اونتی پورہ میں سی آر پی ایف کی جانب سے ٹائی کانڈو چمپئن شب منعقد

سری نگر09 اگستجنوبی کشمیرکے اونتی پورہ علاقے میں سی آر پی ایف 130کی جانب سے” ٹائی کانڈو چمپئن “کا انعقاد کیا گیا ہے جس میں ضلع پلوامہ اوراونتی پورہ کے مختلف گاﺅں سے تعلق رکھنے والے200 کھلاڑیوں اور شائقین کھیل کی ایک بڑی تعداد نے شرکت کی ہے ۔منعقدہ پرواگرام میںسی آر پی ایف کے مختلف علاقوں میں تعینات کمانڈنگ افسران بھی یہاں موجود تھے جبکہ ڈی آئی جی جنوبی کشمیر سی آر پی ایف نے یہاں اس پروگرام میں مہمان خصوصی کی حثیت ست شرکت کی ہے ۔جنہوں نے اس چمپئن شپ کو منعقد کرنے کے لئے 130سی آر پی ایف اور بچوں کو مبارک باد پیش کر کے شکریہ ادا کیا ۔انہوں نے کہا سی آر پی ایف جنوبی کشمیر کے تمام علاقوں میںمفت طبی کیمپ اور کھیل کود کے پروگرام منعقد کر رہے ہیں ۔انہوں نے بچوں کو زیادہ سے زیادہ کھیل کود کی سرگرمیوں میں زیادہ سے زیادہ حصہ لینے کی تاکید کی ہے ۔