سری نگر09 اکتوبر،:پلوامہ اور بڈگام ضلع کے درمیان واقع پکھر پورہ میں قائم سب ضلع ہسپتال میں ماہر امراض خواتین کی ڈاکٹر کی عدم دستیابی سے دور افتادہ علاقے کے لوگوں کو طرح طرح کے مشکلات کا سامنا کرنا پڑ رہا ہے ۔کشمیر نیوز سروس ) کے مطابق وسطحی کشمیر کے دور افتادہ علاقے پکھر پورہ میں قایم سب ضلع ہسپتال میں گائی نوکالوجسٹ کی عدم موجودگی کے باعث یہاں کے خواتین مریضوں کو انتہائی پریشانیوں کاسامنا کرنا پڑ رہا ہے مقامی لوگوں نے بتایا کہ یہ علاقہ کافی دور ہے جو پلوامہ اور بڈگام کے درمیان دستیاب ہے جہاں دنوں اضلاع سے کافی دور پڑتا ہے ۔انہوں نے بتایا ماہر امراض خواتین نہ ہونے سے یہاں حاملہ اور باقی خواتین مریضوں کو پریشانیوں کاسامنا کرنا پڑتا تھا ۔انہوں نے کہا حال ہی میں عوامی مشکلات کو مد نظر رکھتے ہوئے حکام نے پلوامہ سے ایک خاتون ڈاکٹر کو یہاں تعینات کیا جو یہاں ہفتے میںایک ایک دن( پیر کو) یہاں مریضوں کا ملاخط کرے گی ۔مقامی لوگوں نے بتایا کہ مزکورہ ڈاکٹر نے یہاں تعیناتی کے بعدتین ماہ میں صرف ایک بار آئی ہے جس کی پوسٹنگ باضابط طور پکھر پورہ میں ہے ۔لوگوںنے بتایا تاہم ستم ظریفی ہے کہ ضلع بڈگام کے صحت حکام نے خاتون ڈاکٹر کو کسی اور جگہ پہنچایا ہے اورعلاقے کی وسیع آبادی مشکلات میں ڈال دیا ہے جبکہ یہاں ہر روز 20سے30خواتین مریضوں بنا علاج کے واپس جاتے ہیں لوگوں نے بتایا یہ ایک دور افتداہ اور وسیع علاقہ ہے جہاں لوگوں کو مقامی سطح پر طبی سہولیات بہم رکھنے کی ضرورت ہے ۔اس حوالے سے جب چیف میڈیکل افسر بڈگام ڈاکٹر محمد ایوب سے بات کرنے کی کوشش کی گئی ہے تو انہوں نے کہا کہ خاتون چادورہ میں مجبوری کی وجہ سے تعینات ہے ۔
