سری نگر2 دسمبر ,جموںو کشمیر کے ایل جی منوج سنہا نے سنیچر کے روز گزشتہ ماہ ملی ٹینٹوں کے ساتھ ایک تصادم آرائی میں جاں بحق ہونے والے اہلکار کے گھر تعزیت پرسی کے لئے پونچھ گیا ۔جہاں انہوں نے زور دیکر کہا کہ جموں و کشمیر میں دہشت گردی کے ماحولیاتی نظام کے خلاف کارروائیوں کو تیز کریں گے۔کشمیر نیوز سروس ( کے این ایس ) کے مطابق لیفٹیننٹ گورنر منوج سنہا نے ہفتہ کو کہا کہ جموں و کشمیر میں دہشت گردی کے ماحولیاتی نظام اور دہشت گردی کو ہوا دینے والوں کے خلاف کارروائیوں کو تیز کیا جائے گا۔دہشت گردی کے خلاف منصوبہ بند کارروائیوں کے لیے پولیس اور سیکورٹی فورسز کی تعریف کرتے ہوئے، سنہا نے کہا: "میں دہشت گردی کے ماحولیاتی نظام کو ختم کرنے کے لیے منصوبہ بند انسداد دہشت گردی کی کارروائیوں کے لیے اپنی فوج، جموںو کشمیر پولیس اور فورسز کی تعریف کرتا ہوں۔”ایکس پر شیئر کی گئی ایک پوسٹ کے مطابق، سنہا نے کہا کہ دہشت گردی کے ماحولیاتی نظام اور دہشت گردوں کی مدد کرنے اور ان کی حوصلہ افزائی کرنے والوں کے خلاف کارروائیوں کو تیز کیا جائے گا۔انہوں نے کہا کہ وہ اس بات کو یقینی بنائیں گے کہ دہشت گردوں کو ان کے گھناو¿نے اقدامات کی بھاری قیمت چکانی پڑے۔قبل ازیں سنہا نے پونچھ میں حوا عبدالمجید کے گھر کا دورہ کیا اور سوگوار خاندان سے تعزیت کی۔انہوں نے پونچھ میں حوا لدارعبدالمجید کے گھر کا دورہ کیا، جو راجوری میں انسداد دہشت گردی آپریشن کے دوران شہید ہوئے تھے اور سوگوار خاندان سے تعزیت کی۔ ان کے خاندان کی مادر وطن کی خدمت اور قربانیوں کی طویل تاریخ ہے۔ پوری قوم کو اس کی بہادری اور ہمت پر فخر ہے،“ سنہا نے X پر کہا۔حوا عبدالمجید ان پانچ فوجی اہلکاروں میں شامل تھے جو گزشتہ ماہ راجوری ضلع میں دہشت گردوں سے لڑتے ہوئے مارے گئے تھے۔۔
