سرینگر / سخت ترین سیکورٹی انتظامات کے بیچ وزیر اعظم نریندر مودی ایک روزہ دورے کشمیر پر آج وار ہو رہے ہیں ۔ دورے کے دوران وزیر اعظم 2700کروڑ روپے سے زیادہ کی لاگت سے تعمیر ”زیڈ موڑ ٹنل “کا افتتاح کریں گے جبکہ ممکنہ طور پر ایک عوامی ریلی سے خطاب بھی ہوگا ۔ ادھر وزیر اعظم نریندر مودی کے دورے کشمیر کے پیش نظر سیکورٹی بڑھا دی گئی ہے ۔ جموں وکشمیر کی شاہراہوں اور دیگر لنک روڈس پر جہاں سیکورٹی فورسز کے عملے کی تعیناتی میں اضافہ کیا گیا ہے وہیں سرینگرجموں شاہراہ کے دیگر علاقوں میں چیک پوائنٹس بڑھا دئے گئے ہیں۔اسی دوران ٹنل کی افتتاح کیلئے تمام تر تیاریاں مکمل ہو چکی ہے جبکہ وزیر اعلیٰ عمر عبد اللہ نے بھی سونہ مرگ جاکر وہاں انتظامات کا جائزہ لیا ۔ سی این آئی کے مطابق سخت ترین سیکورٹی انتظامات کے بیچ وزیر اعظم نریندر مودی آج یعنی 13جنور ی کو کشمیر کا دورہ کریں گے۔وزیر اعظم نریندر مودی مرکزی وزیر ٹرانسپورٹ و قومی شاہراہ نتن گڈکری کے ہمراہ سونہ مرگ میں وزیر اعلیٰ عمر عبد اللہ ، لیفٹنٹ گورنر منوج سنہا ، ممبر پارلیمنٹ آغا روح اللہ اور دیگر رہنماﺅں کی موجودگی میں 2700کروڑ روپے کی لاگت سے تعمیر 6.4کلو میٹر لمبی سونہ مرگ ٹنل کا افتتاح کریں گے ۔ ذرائع نے بتایا کہ سوموار کی صبح وزیر اعظم نریندر مودی خصوصی طیارے میں سوار ہوکر سرینگر آئر پورٹ پر پہنچے گئے جہاں سے فوجی ہیلی کاپٹر کے ذریعے وہ سونہ مرگ پہنچے گئے ۔ وزیر اعظم نریندر مودی کے دورے جموں کشمیر کے پیش نظر کسی بھی قسم کے ناخوشگوار واقعے کی روک تھام کو یقینی بنانے کیلئے جموں و کشمیر میں سیکورٹی کا سخت بند وبست کیا گیا ہے۔ ذرائع کے مطابق جموں وکشمیر کی شاہراہوں اور دیگر لنک روڈس پر جہاں سیکورٹی فورسز کے عملے کی تعیناتی میں اضافہ کیا گیا ہے وہیں سرینگرجموں شاہراہ کے دیگر علاقوں میں چیک پوائنٹس بڑھا دئے گئے ہیں۔ معلوم ہو ا ہے کہ جموں کشمیر بھر میں عمومی طور پر اور خاص طور پر ان علاقوں میں جہاں وزیر اعظم اجتماع سے خطاب کرنے والے ہیں سیکورٹی کو بڑھا دیا گیا ہے۔ادھر سرحدوں پر بھی ہائی الرٹ جاری کر دیا گیا ہے ۔ وزیر اعظم مودی کے دورے کے پیش نظر سونہ مرگ اور اس کے ملحقہ علاقوں میں سیکورٹی بڑھا دی گئی ہے جبکہ وزیر اعظم کو ریلی سے خطاب کرنا ہے جس کیلئے فی الحال جگہ کا انتخاب نہیں کیا گیا ۔پولیس کے ایک سنیئر عہدیدار نے بتایا کہ وزیر اعظم نریندر مودی کے دورے کے پیش نظر سونہ مرگ اور اس کے آس پاس کے علاقے کو کثیر سطحی حفاظتی اقدامات اٹھائیں گئے ہیں ۔اس سلسلے میں اسپیشل پروٹیکشن گروپ (ایس پی جی)جو وزیر اعظم کی حفاظت کا ذمہ دار ہے، سونمرگ میں پہلے سے ہی خیمہ زن ہے اور انتظامات کی نگرانی کر رہا ہے۔افسر نے بتایا کہ وزیر اعظم پہلے سری نگر ٹیکنیکل ہوائی اڈے پر اتریں گے اور بعد میں ہیلی کاپٹر میں سونمرگ جائیں گے۔افتتاح کے بعد وزیر اعظم سونمرگ میں ایک عوامی ریلی سے خطاب کرنے والے ہیں۔انہوں نے کہا کہ ہائی پروفائل ایونٹ کی تیاریوں کیلئے سونمرگ اور اس کے آس پاس کے حفاظتی اقدامات کو تیز کر دیا گیا ہے۔فوج، نیم فوجی دستوں اور جموں و کشمیر پولیس کی مشترکہ ٹیمیں علاقے میں گشت کر رہی ہیں جبکہ سرنگ کی طرف جانے والے اہم راستوں پر اضافی چوکیاں قائم کی گئی ہیں۔
