وزیر اعلیٰ کا زیڈ مورہ ٹنل کے افتتاح کےلئے وزیراعظم مودی کا شکریہ

گاندربل:۳۱، جنوری:ج : وزیر اعلیٰ عمر عبداللہ نے پیر کو کہا کہ تشدد کے مرتکب افراد کو جموں و کشمیر میں ہمیشہ شکست کا سامنا کرنا پڑے گا اور انہیں خطے میں جمہوریت کو نقصان پہنچانے کی اجازت نہیں دی جائے گی۔ جے کے این ایس کے مطابق وزیر اعظم نریندر مودی کی جانب سے سونہ مرگ میں 6.4 کلومیٹر زیڈ مورہ سرنگ کا افتتاح کرنے کے بعد یہاں ایک اجتماع سے خطاب کرتے ہوئے وزیر اعلیٰ عبداللہ نے ریاست کی بحالی کا بھی مطالبہ کیا۔عمر عبداللہ نے کہا کہ انہوں نے ملک اور جموں و کشمیر کی ترقی کے لیے اپنی جانیں قربان کی ہیں۔وزیر اعلیٰ عمر عبداللہ نے پیر کو گاندربل ضلع میں زیڈ مورہ ٹنل کی تعمیر کے دوران اپنی جانوں کا نذرانہ پیش کرنے والے ڈاکٹر اور کارکنوں سمیت سات افراد کو دلی خراج عقیدت پیش کیا۔وزیر اعلیٰ عمر عبداللہ نے کہا کہ تشدد کے مرتکب افراد کو جموں و کشمیر میں ہمیشہ شکست کا سامنا کرنا پڑے گا اور انہیں خطے میں جمہوریت کو نقصان پہنچانے کی اجازت نہیں دی جائے گی۔ افتتاحی تقریب سے خطاب کرتے ہوئے عمر عبداللہ نے طویل عرصے سے زیر انتظار زیڈ مورہ ٹنل کا افتتاح کرنے پر وزیر اعظم نریندر مودی کا شکریہ ادا کیا۔ انہوں نے کہا کہ کشمیر کے لوگ اس لمحے کا بے صبری سے انتظار کر رہے تھے اور مجھے امید ہے کہ سرنگ کا باقی ماندہ حصہ جلد ہی مکمل ہو جائے گا۔سری نگر میں انتخابی مہم کے دوران ریمارکس کو یاد کرتے ہوئے، عمرعبداللہ نے وزیراعظم مودی کو”دل کی دوری اور دلی کی دوری“کے بارے میں ان کے بیان کی یاد دلائی۔وزیر اعلیٰ عمر عبداللہ نے مزید کہاکہ جبکہ بہت سے وعدے پورے ہو چکے ہیں، جموں و کشمیر کو ریاست کا درجہ بحال کرنے کا وعدہ ابھی تک پورا نہیں ہوا ہے۔ انہوںنے کہاکہ میں وزیراعظم مودی سے ریاست کا درجہ بحال کرنے کی درخواست کرتا ہوں اور یقین ہے کہ وہ بات کریں گے۔عمرعبداللہ نے اس تقریب میں شرکت کے لیے سخت سردی کے موسم میں بہادری کا مظاہرہ کرنے کے لیے پی ایم مودی کا شکریہ بھی ادا کیا اور جموں و کشمیر میں امن اور ترقی کو یقینی بنانے کے اپنے عزم کا اعادہ کیا۔