مشہور سیاحتی مقام پہلگام میں گزشتہ دنوں کے دہشت گردانہ حملے کے بعد جہاں ہندوستان اور پاکستان کے بیچ تناو دن بدن بڑ رہا ہے ۔28تاریخ کو بھارت میں مقیم ویزا پر آئے تمام پاکستانیوں کو وطن واپس کر دیا ہے ۔اس دوران سرحدی علاقوں میں مقیم لوگوں نے یہاں موجود زیر زمین بنکروں کی صفائی کی ہے جبکہ یہاں تیار الگ الگ فصلوں کی کٹائی شروع کی ہے ۔کشمیر نیوز سروس ( کے این ایس ) کے مطابق جموں کے سانبہ ضلع کے رام گڑھ علاقے میں کسان اپنے کھیتوں میں کھڑی گندم کی فصل جلد سے جلد کاٹنے کے لیے بے چین ہیں۔ سرحدوں پر بڑھتی ہوئی کشیدگی نے کسانوں کو مجبور کر دیا ہے کہ وہ جتنا جلدی ہو سکے، اپنی فصلیں کاٹ لیں۔ اسی کے ساتھ مقامی لوگوں نے اپنے گھروں میں موجود زیر زمین بنکروں کی صفائی کرنی شروع کر دی ہے تاکہ کسی بھی ہنگامی صورتحال میں اسے استعمال کیا جا سکے۔لوگوں کا ماننا ہے کہ سال 2021کے بعد سرحدی کشیدگی میں کمی واقع ہوئی تھی تاہم گزشتہ دنوں کے پہلگام حملے کے بعد یہ کشید گی پھر ایک بار تیزی کے ساتھ بڑ گئی ہے ۔یہ بے چینی جموں کے تمام سرحدی علاقوں میں محسوس کی جا سکتی ہے۔ اس کے بعد سے سرحد پر ہندوستانی اور پاکستانی افواج کے بیچ لگاتار گولی باری ہو رہی ہے۔ حالات مزید بگڑنے کے خدشے کے پیش نظر کسانوں نے اپنی فصلوں کی کٹائی تیز کر دی ہے اور ان 15ہزا زیر زمین بنکروں کی صفائی بھی شروع کر دی ہے جو مرکزی حکومت نے 2018 سے گزشتہ سال تک 415 کروڑ روپے کی لاگت سے تعمیر کیے تھے۔
