سرینگر//ضلع پولیس سری نگر نے اتوار کو کہا کہ منشیات کی اسمگلنگ کے متعدد معاملوں میں مالی تحقیقات تیز کر دی ہیں، جس کے نتیجے میں منشیات کے اسمگلروں سے منسلک 100سے زائد بینک کھاتوں کو منجمد کر دیا گیا ہے۔کشمیرنیوز سروس ( کے این ایس ) کے مطابق ایک پولیس ترجمان جاری کردہ ایک بیان میں کہا، "ان کھاتوں میں مجموعی طور پر کئی لاکھ روپے کی رقم جمع ہے۔پولیس نے کہا کہ ان اکاو¿نٹس سے منسلک تمام لین دین کی تفصیلی جانچ پڑتال کی جا رہی ہے تاکہ غیر قانونی رقوم کے بہاو¿ کا پتہ لگایا جا سکے۔پولیس نے کہا، "ان اکاو¿نٹس کو منجمد کرنے سے منشیات کی سمگلنگ کے نیٹ ورکس کے ذریعے استعمال ہونے والے مالی وسائل تک رسائی کو مو¿ثر طریقے سے روک دیا گیا ہے۔”ان اکاو¿نٹس رکھنے والے افراد کو ضلع سری نگر میں نارکوٹک ڈرگس اینڈ سائیکو ٹراپک سبسٹینس (این ڈی پی ایس) ایکٹ کے تحت درج مقدمات کے سلسلے میں گرفتار کیا گیا ہے۔ بیان میں مزید کہا گیا کہ گرفتار کیے گئے افراد منشیات اور سائیکو ٹراپک مادوں کی اسمگلنگ میں ملوث تھے، جو کمیونٹی بالخصوص نوجوانوں کے لیے ایک اہم خطرہ ہیں۔این ڈی پی ایس ایکٹ کی متعلقہ دفعات کے تحت کی گئی جامع تحقیقات، ان بینک کھاتوں کو منجمد کرنے کا باعث بنی ہیں جن میں خاطر خواہ رقوم ہیں، جن کی شناخت غیر قانونی منشیات کی تجارت سے حاصل ہونے والی آمدنی کے طور پر کی گئی ہے۔ مزید برآں، کروڑوں روپے مالیت کی منقولہ اور غیر منقولہ جائیدادیں، جو ان غیر قانونی سرگرمیوں کے ذریعے حاصل کی گئی ہیں، کو قابل اطلاق قانونی فریم ورک کے تحت منسلک کیا گیا ہے۔بیان میں کہا گیا ہے کہ یہ کارروائی NDPS ایکٹ کی دفعہ 68F(2) کے تحت حرکت میں آئی ہے۔جے اینڈ کے پولیس منشیات کے استعمال اور اسمگلنگ کی لعنت سے نمٹنے کے اپنے عزم میں ثابت قدم ہے۔ پولیس عوام سے اپیل کرتی ہے کہ وہ منشیات کی فروخت یا منشیات کے استعمال سے متعلق کوئی بھی معلومات فراہم کرکے اس لڑائی میں ہاتھ بٹائیں۔ عوام سے درخواست کی جاتی ہے کہ وہ اپنے قریبی پولیس اسٹیشن سے رابطہ کریں یا منشیات سے متعلق مشکوک سرگرمیوں کی اطلاع دینے کے لیے 112 پر ڈائل کریں۔
