ریاست کی بحالی بھاجپا سرکار میں نظر نہیں آتی:آغاروح اللہ

سرینگر /سرینگر پارلیمانی حلقے کے رکن اور حکمران نیشنل کانفرنس کے سینئر رہنما آغا سید روح اللہ مہدی نے بھارتیہ جنتا پارٹی کی قیادت والی مرکزی حکومت پر تنقید کرتے ہوئے کہا ہے کہ وہ وقف جیسے مسلمانوں کے اداروں کو چن چن کر نشانہ بنا رہی ہے۔ ان کے مطابق وقف ترمیمی قانون کا مقصد مسلمانوں کو بے دخل کرنا اور دوسرے درجے کے شہری بنانا ہے جو کہ بی جے پی-آر ایس ایس کے وسیع تر ایجنڈے کا حصہ ہے۔ ہندو مذہبی اداروں یا ان کے ٹرسٹ پر ایسا کوئی قانون لاگو نہیں ہوتا ہے۔کشمیر نیوز سروس ( کے این ایس ) کے مطابق وسطی ضلع بڈگام میں اپنی رہائش گاہ پر ایکم پورٹلکو انٹرویو میں مہدی نے کہا کہ ہندوستان میں بھاجپا کی قیادت میں حکومت کے دوران جمہوری اقدار اور ادارے بشمول پارلیمنٹ زوال پذیر ہیں۔ اس خاص انٹرویو کے اقتباسات پیش کیے جارہے ہیں۔بی جے پی نہیں چاہتی ہے کہ مسلمان بااختیار ہوں۔ خاص طور پر جموں و کشمیر کے لوگوں کی خود اختیاری بھاجپا کو قابل قبول نہیں ہے۔ وہ جموں و کشمیر کے لوگوں اور ہندوستان بھر میں عام طور پر مسلمانوں کو بے اختیار کرنے کے لیے سب کچھ کرتے ہیں۔خاص طور پر بی جے پی کے یہاں ریاست میں اسمبلی الیکشن ہارنے کے بعد مجھے جموں و کشمیر میں ریاستی درجے کی بحالی کے فوری امکانات نظر نہیں آتے۔ اگر وہ جموں و کشمیر میں حکومت بنا لیتے تو کچھ امکانات ہوسکتے تھے۔ اب انہیں دیکھنا پڑے گا کیونکہ کشمیریوں کے ہاتھوں میں طاقت ان کے بیانیے کے ساتھ میل نہیں کھاتا۔ وہ نہیں چاہتے کہ آپ با اختیار ہو جائیں۔ اس لیے میں بی جے پی کو جلد از جلد ریاست کا درجہ بحال کرتے ہوئے نہیں دیکھ رہا ہوں۔ ریاستی درجے کی بحالی کے لیے آپ کو مزید جدوجہد کرنی ہوگی۔ نہ صرف ریاست بلکہ ہم سے چھینے گئے حقوق کی بحالی کے لیے جدوجہد کرنی ہوگی۔وقف بل مذہبی آزادی اور مذہب پر عمل کرنے کے حق کی خلاف ورزی ہے۔ یہ آئین کے آرٹیکل 25 اور 26 کی خلاف ورزی ہے۔ یہ مسلمانوں کو کمزور کرنے اور انہیں دوسرے درجے کا شہری بنانے کی وسیع تر کوشش ہے۔ یہ مسلمانوں کو خوفزدہ کرنے، طاقت سے محروم کرنے اور حق رائے دہی سے محروم کرنے کے لیے استعمال کی جانے والی بہت سی پالیسیوں میں سے ایک ہے۔ آپ کو اس قسم کا بل مندروں، ہندو خیراتی ٹرسٹوں یا مذہبی املاک پر نظر نہیں آئے گا۔ یہ صرف مسلمانوں کے لیے ہے۔ یہ بی جے پی کے ایجنڈے کا حصہ ہے کہ مسلمانوں کو دوسرے درجے کا شہری بنایا جائے۔جموں و کشمیر کی اسمبلی کو تمل ناڈو سے زیادہ آواز اٹھانی چاہیے تھی۔ وقف بل پر جموں و کشمیر قانون ساز اسمبلی میں قرارداد پاس ہونی چاہیے تھی۔ میں حیران ہوں کہ اس کی اجازت نہیں دی گئی۔ اس بل کو ایوان میں پیش نہ کرنے دینا ایک غلطی تھی۔گزشتہ سال منعقد ہوئے اسمبلی انتخابات کے بعد سے ہماری کوئی پارٹی میٹنگ نہیں ہوئی۔ ان مسائل پر بات چیت بہت کم ہورہی ہے۔ مجھے تشویش ہے کہ پارٹی قیادت گزشتہ اسمبلی انتخابات کے دوران ابھارے گئے جذبات اور حاصل شدہ مینڈیٹ سے خود کو دور کر رہی ہے۔ سب کو یہ یاد دلانا ضروری ہے کہ اس حکومت کا فرض یہ ہے کہ شہریوں کے بنیادی حقوق کی نمائندگی کرے۔ مجھے لگتا ہے سب کچھ صحیح سمت میں نہیں جا رہا ہے۔ اصلاح کی بڑی گنجائش ہے۔ ہمیں جلد از جلد اپنے چنے ہوئے راستے کو درست کرنے کی ضرورت ہے۔ جس طرح سے حالات چل رہے ہیں، حکومت اور پارٹی عوام کے جذبات اور مینڈیٹ سے دور ہوتی جا رہی ہے۔میں نے عوام سے جو وعدہ کیا ہے اس پر قائم رہوں گا۔ اس سے کوئی فرق نہیں پڑتا کہ ساری پارٹی دوسری طرف چلی جائے۔ جو چیز اہم ہے وہ لوگوں کے ساتھ اعتماد اور وابستگی ہے۔وزیر اعلیٰ عمر عبداللہ نے حکومت ہند کے ساتھ اچھے تعلقات بنانے کی کوشش کی لیکن انہیں مثبت جواب نہیں ملا، وہ ایم ایل ایز کے ساتھ وزیر اعظم اور وزیر داخلہ کے دفتر نئی دہلی جا سکتے تھے اور وہان اپنا احتجاج درج کرسکتے تھے۔ اس ضمن میں مزید کام کرنے کی گنجائش ہے۔ اپنے بنیادی حقوق کی واپسی کی خاطر دباو¿ ڈالنے کے لیے ہم کچھ دن دہلی میں بیٹھ سکتے تھے۔ وزیر اعلیٰ تمام وزرائ، ایم ایل ایز اور ایم پی کے ساتھ اپوزیشن اور سیاسی جماعتوں سے ملاقات کر سکتے تھے اور ان کی حمایت کے لیے اپیل کر سکتے تھے اور یہاں تک کہ علامتی طور پر پارلیمنٹ یا وزیر اعظم کے دفتر کے باہر احتجاج بھی کر سکتے تھے۔ اپنی آواز میں اثر پیدا کرنے کے بہت سے طریقے ہیں۔ جنوبی ہندوستان ایک مثال ہے جہاں وہ مرکزی حکومت کےاقدامات کے ردعمل میں اکٹھے ہوئے تھے(مشمولات ای ٹی وی)۔