سید اعجاز
اونتی پورہ/ہندوستان کے مایہ ناز کرکٹر سچن ٹنڈولکر نے سنیچر کے روز جنوبی کشمیر کے ضلع پلوامہ میں چرسو اونتی پورہ میں قائم ویلو بیٹ بنانے والی ایک فیکٹری” ایم جے سپورٹس “کا اچانک دورہ کیا ہے جس دوران انہوں نے یہاں موجود اور تیار ہو رہے بیٹ کو باریک بینی سے دیکھا اوربیٹ کے حوالے سے مفصل بات چیت کی ہے ۔انہوںدورے کے دوران فیکٹری کے مالک کو یقین دلایا کہ ویلو بیٹ کے بارے میں وہ آگے بات کریں گے کہ کس طرح اس بیٹ کو آگے لے جا سکے گا۔
ذرائع کے مطابق ٹنڈول کر اس وقت وادی کشمیر میں ایک نجی دورے پرہیں اورسنیچر کے روز پہلگام کی طرف جارہے تھے اس دوران جب وہ دن کے11.30 جنوبی کشمیر کے تاریخی قصبہ اونتی پورہ کے نزدیکی واقع گاوں چرسوپہنچے توان کی نظر یہاں موجود” ایم جے سپورٹس“بیٹ بنانے والی فیکٹری پڑی اور وہ یہاں رکنے کے بعد فیکٹری میں داخل ہوئے ۔ فیکٹری مالک محمد شاہین پرے نے نمائندے کے ساتھ بات کرتے ہوئے بتایا کہ ہمیں یہ خواب لگ رہاہے کہ واقعی ملک کی اتنی بڑی شخصیت ہماری فیکٹری میں آئے ۔انہوں نے بتایا کہ یہ کوئی منصوبہ بند پروگرام نہیں تھا انہوں نے بتایا وہ اچانک یہاں سے گزرے اور انہوں نے بتایا کہ میں نے یہ نام سناتھا جب میری نظر بورڑ پر بڑی تو میں نے سوچا یہاں کشمیری ویلو بیٹ کودیکھیں گے ۔
شاہین نے بتایا انہوں یہاں تیار بیٹوں کی آزمائش کی سٹروک دیکھا ،ہر ایک طریقے سے جانچا اور پرکھااور ہمیں یقین دلایا کہ میں یہ دیکھنے آیا تھااور مجھے لگا یہ بہتر بیٹ ہے ۔انہوں نے بتایا انہیں بیٹ پسند آئے جس دوران انہوں نے یہاں نصف درج بیٹس پر دستخط کئے اور ان کشمیر کے اس ویلو بیٹ کے ساتھ تصاویر کھینچے ۔جبکہ فیکٹری والوں کی جانب سے بھی انہیں کئی بیٹ تحفے میں پیش کئے گئے۔فیکٹری کے نوجوان مالک نے بتایا وہ دن کے قریباً11:30بیٹھے تھے جب وہ آئے اور قریباًایک گھنٹے تک یہاں قیام کیا اورپورے کنبے اور ساتھیوں نے یہاں چائے و مرغ کھائے۔پرے نے بتایا کہ ہمیں بہت ہی خوشی ملی ہے کہ یہ دن ہمارے لئے اتہائی اہم تھااور ہمیں بہت بڑا حوصلہ ملا ہے جبکہ وہ انتہائی نرم مزاج کے انسان ہیں ۔محمد شاہین پرے نے بتایا بہت لوگوں نے ان کے ساتھ تصاویر کھینچے ۔ انہوں نے بتایا ہمارے دل میں یہ امید پیدا ہوئے کہ ہمارا مشہور ویلو بیٹ کو آگے لے جانے میں اور مدد ملے گی۔ معلوم ہوا ہے کہ سچن ٹنڈولکر جب وہاں ظاہر ہوئے تویہ خبر یہ فوری طور پھیل گئی اورمداحوں کی ایک بڑی تعداد وہاں جمع ہوگئے جنھوں نے سیلفیاں لے لی اس موقع پر اونتی پورہ پولیس کے کئی آفیسران بھی وہاں پر موجود تھے ۔یہاں سے نکلنے کے بعد سچن ٹندول کر مشہور سیاحتی مقام پہلگام گئے ہیں جہاں ان کے ساتھ ان کی فیملی بھی ہے ۔خیال رہے کشمیر ویلو بیٹ کافی مشہور ہے جبکہ ان درختوں کی کمی سے عوامی حلقوں خاص کر اس صنعت سے وابستہ لوگوں میں تشویش پایا جا رہا ہے ۔
