سرینگرجون: ملک میں شدید گرمی کی لہر کے دوران وادی کشمیر کے میدانی وبالائی علاقوں میں گزشتہ روز سے ہی وقفے وقفے سے ہی بارشوں کا سلسلہ جاری ہے جس کی وجہ سے لوگوں کو جھلسا دینی والی گرمی سے راحت نصیب ہوئی ۔اس دوران پہاڑی ضلع شوپیان کے پیر کی گلی علاقے میں جمعہ کے روز غیر متوقع باری باری ہوئی ہے ۔کشمیر نیوز سروس ( کے این ایس ) کے مطابق گزشتہ کئی روز وادی کشمیر میںشدید گرمی کے بعد مسلسل وقفے وقفے سے پہاڑی و میدانی علاقوں میں بارشوں کا سلسلہ جاری ہے اس دوران جمعہ کی صبح سویرے سے ہی وادی کشمیرکے اکثر علاقوں میں شدید بارشیں ہوئی جبکہ دن بھر بھی کچھ علاقوں میں بارشوں کا سلسلہ جاری رہا ہے ۔اس دوران پہاڑی ضلع شوپیان میں جمعہ کے روز پیر کی گلی والے علاقے میں برف باری ہوئی ہے۔خیال رہے پورے ملک میں اس وقت لوگ گرمی کی تپش سے تنگ آئے ہیں وہی دوسری جانب سے کشمیر وادی کے شوپیان کے پیر کی گلی علاقے میں تازہ برف باری ہوئی ہے مقامی میڈیا نمائندوں کے مطابق علاقے میں کم سے کم6اینچ برف باری ریکاڑ ہوئی ۔اس دوران مسلسل بارشوں کی وجہ سے گرمی میںکافی حد تک کمی واقع ہوئی ہے جبکہ ندی نالوں میں پانی بھی آیا ہے جس کہ وجہ سے کچھ علاقوں میں پنیری لگانے کاکام شروع کیا جہاں اب تک لوگ پانی کا انتظار کر رہے تھے ۔
