سرینگرجنوبی کشمیر کے پہاڑی علاقے پہلگام میں واقع امرناتھ کے مقدس غار کی 52 روزہ یاترا آج یعنی جمعہ جموں سے شروع ہونے والی ہے جہاں پہلا قافلہ آج ہی وادی کشمیر وارد ہوگا ادھر پولیس نے جمعرات کو کہا کہ اس نے امرناتھ یاترا کے پرامن اور ہموار انعقاد کے لیے تمام ضروری انتظامات کر لیے ہیں۔کشمیر نیوز سروس ( کے این ایس ) کے مطابق کشمیر زون کے انسپکٹر جنرل آف پولیس (آئی جی پی) ودھی کمار بردی نے کہا کہ یاترا 2024کے پرامن اور ہموار انعقاد کے لیے تمام انتظامات کیے گئے ہیں۔ہم مطمئن ہیں کہ انتظامات درست ہیں۔ ہم اس بات کو یقینی بنائیں گے کہ ہم پرامن طریقے سے یاترا کا انتظام کرنے کے قابل ہو جائیں گے۔انہوں نے کہا کہ جو بھی انتظامات درکار تھے وہ کئے گئے ہیں کیونکہ پولیس کے ساتھ سی آر پی ایف اور ٹریفک اہلکاروں کو تعینات کیا گیا ہے۔انہوں نے اس بات پر زور دیا کہ یاتریوں کی حفاظت سب سے اہم ہے اور کسی بھی خطرے کو کم کرنے کے لیے جامع اقدامات کیے جا رہے ہیں۔قابل ذکر بات یہ ہے کہ آئی جی پی کشمیر نے پہلے ہی تمام افسران پر زور دیا تھا کہ وہ اپنے فرائض میں چوکس اور فعال رہیں، کسی بھی ممکنہ خطرے سے نمٹنے اور بروقت ردعمل کی اہمیت پر زور دیتے ہوئے جنوبی کشمیر کے پہاڑی علاقے پہلگام میں واقع مقدس غار امرناتھ کی 52 روزہ یاترا کل جموں سے شروع ہونے والی ہے۔جہاں یاترا کا پہلا قافلہ جمعہ ہو وارد کشمیر ہوگا ۔ حکام نے بتایایاتریوں نے پہلے ہی جموں کے بھگوتی نگر یاتری نواس پہنچنا شروع کر دیا ہے جہاں سے وہ شمالی کشمیر بالتال اور جنوبی کشمیر اننت ناگ بیس کیمپوں کے لیے حفاظتی قافلوں کے ساتھ روانہ ہوں گے۔