گاندربل /30 جون2024ئسیکرٹری دیہی ترقی محکمہ شاہد اقبال چودھری نے بال تل میں جاری شری اَمرناتھ جی یاترا۔2024 کے اِنتظامات کا تفصیلی جائزہ لیا۔اُنہوں نے دورے کے دوران یاتریوں کے لئے بغیر کسی رُکاوٹ اور بغیر پریشانی اِنتظامات فراہم کرنے کی اہمیت پر زور دیا۔سیکرٹری نے اَفسروں کے ساتھ ایک میٹنگ میں رہائش، طبی خدمات، صفائی ستھرائی اور سیکورٹی سمیت سہولیات کی موجودہ صورتحال کا جائزہ لیا۔اُنہوں نے اَب تک کی گئی کوششوں کا اعتراف کرتے ہوئے تمام محکموں پر زور دیا کہ وہ کسی بھی کمی کو دور کرنے اور تمام یاتریوں کے لئے یاترا کے آسان تجربے کو یقینی بنانے کے لئے قریبی تال میل کے ساتھ کام کریں۔
سیکرٹری نے کہاکہ شری اَمرناتھ جی یاترا ۔2024 کی کامیابی ہر یاتری کے لئے ایک محفوظ، آرام دہ اور روحانی طور پر پورا کرنے والا سفر فراہم کرنے کی ہماری صلاحیت پر منحصر ہے۔
ڈاکٹر شاہد اِقبال چودھری نے اَفسران کے ساتھ بات چیت کرتے ہوئے کہا کہ تمام ضروری اِنتظامات کو یقینی بنانے اور کسی بھی مسئلے کو فوری طور پر حل کرنے کے لئے ہمارا عزم ہونا چاہیے۔اُنہوںنے صفائی ستھرائی اور حفظان صحت کو یقینی بنانے کے لئے صفائی کی سہولیات کی باقاعدگی سے نگرانی اور دیکھ ریکھ کی ہدایت دی ۔ یاترا کے اِنتظام میں شامل مختلف محکموں اور ایجنسیوں کے درمیان بہتر رابطے اور تال میل کو فروغ دینا۔میٹنگ میںضلع ترقیاتی کمشنر گاندربل شیامبیر، اے ڈی سی گاندربل مشتاق احمد سمنانی، کیمپ ڈائریکٹر بال تل ، ایس ایس پی یاترا بال تل ایکسس، ایس ڈی ایم کنگن، اے سی ڈِی، ڈِی آئی او اور دیگر ضلع اور سیکٹورل افسران نے شرکت کی۔
