اننت ناگ 19 جنوری 2025 ئ جاری قومی روڈ سیفٹی ماہ کے ایک حصے کے طور پر ٹرانسپورٹ کمشنر وشیش پال مہاجن نے اننت ناگ میں سڑکوں کی حفاظت سے متعلق آگاہی کو بڑھانے کے مقصد سے منعقدہ پروگراموں میں حصہ لیا ۔ اس تقریب کا مقصد طلباءکی ریلی کو جھنڈی دکھا کر ضلع بھر میں روڈ سیفٹی کے پیغام کو پھیلانا اور نابالغ ہونے سے ہی ٹریفک قوانین پر عمل کرنے میں ذمہ داری کا احساس پیدا کرنا تھا ۔ بعد میں آر ٹی او اننت ناگ ڈاکٹر شوکت بھٹ نے نابالغ طلباءکے درمیان 18 سال کی عمر سے پہلے یا ڈرائیونگ لائسنس کے اہل ہونے سے پہلے گاڑیوں کا کنٹرول نہ لینے پر ایک عہد کی تقریب منعقد کی ۔ آر ٹی او نے مزید کہا کہ طلباءکو محفوظ روڈ سیفٹی کے طریقوں اور عادات کو اپنانا چاہئیے ۔ اس کے علاوہ ٹرانسپورٹ کمشنر نے گاڑیوں پر روڈ سیفٹی اقدامات کے اہم پیغامات کی تصویر کشی کرنے والے اسٹیکرز چسپاں کر کے ایک خصوصی روڈ سیفٹی مہم کا افتتاح کیا ۔ تقریب سے خطاب کرتے ہوئے وشیش پال مہاجن نے روڈ سیفٹی کی اہمیت پر زور دیا اور سڑک حادثات اور اموات کو کم کرنے کیلئے اجتماعی کوششوں پر زور دیا ۔ انہوں نے محفوظ ڈرائیونگ رویے کے کلچر کو فروغ دینے میں معاشرے ، میڈیا کے کردار پر زور دیا اور تمام اسٹیک ہولڈرز پر زور دیا کہ وہ اس مشن میں اپنا حصہ ڈالیں ۔
