سرینگر:۴۲،جنوری: : نئی تعلیمی پالیسی کو نوجوانوں کو عالمی سطح پرکامیابی کیلئے باختیار بنانے کاراستہ قرار دیتے ہوئے لیفٹنٹ گورنر منوج سنہا نے جمعہ کے روز کہاکہ وہجموں و کشمیر کے نوجوانوں کو ملک کے اعلیٰ درجے کے کاروباریوں میں دیکھنا چاہتے ہیں۔انہوںنے کہاکہ حکومت اس بات کو یقینی بنانے کے لئے پرعزم ہے کہ جموں و کشمیر کے نوجوان ملک میں اعلیٰ درجے کے کاروباری افراد کے طور پر اُبھریں۔جے کے این ایس کے مطابق لیفٹیننٹ گورنر منوج سنہا نے آئی آئی ایم جموں میں برکس یوتھ کونسل انٹرپرینیورشپ رن اپ ایونٹ کے دوران جموں و کشمیر کے نوجوانوں میں انٹرپرینیورشپ کو فروغ دینے کے حکومت کے عزم کا اعادہ کیا۔ لیفٹنٹ گورنر منوج سنہا نے آئی آئی ایم جموں میں برکس یوتھ کونسل انٹرپرینیورشپ رن اپ ایونٹ سے خطاب کرتے ہوئے اور خطے کی تیز رفتار صنعتی ترقی پر روشنی ڈالتے ہوئے کہاکہ جموں و کشمیر نے صنعتی ترقی میں بے مثال اضافہ دیکھا ہے۔ انہوںنے کہاکہ حالیہ برسوں میں، متعدد صنعتیں قائم کی گئی ہیں، جن میں بہت سی ترقیاں جاری ہیں۔ لیفٹنٹ گورنر منوج سنہا نے اس اعتماد کا اظہار کرتے ہوئے کہا کہ جموں و کشمیر کے نوجوان قومی معیشت میں اہم کردار ادا کرتے ہوئے سرکردہ کاروباریوں کے طور پر ابھریں گے۔نوجوان نسل سے ہندوستان کی وراثت کو عالمی علمی مرکز کے طور پر برقرار رکھنے کی اپیل کرتے ہوئے، بی ٹیک اور ایم ٹیک ڈگری یافتہ لیفٹنٹ گورنر منوج سنہا نے کہاکہ نوجوانوں پر ملک کو نئی بلندیوں تک پہنچانے کی ذمہ داری ہے۔نئی تعلیمی پالیسی کی ستائش کرتے ہوئے، لیفٹیننٹ گورنر نے اسے ہندوستان کے تعلیمی اور تکنیکی مستقبل کو تشکیل دینے کے لیے تیار ایک تبدیلی کا فریم ورک قرار دیا۔تین بار کے ممبر پارلیمنٹ اور سابق مرکزی وزیرمنوج سنہا نے کہاکہ نئی قومی تعلیمی پالیسی 2020 ایک انقلابی روڈ میپ کے طور پر کام کرتا ہے، جو ہمارے تعلیمی نظام کو عالمی معیارات کے ساتھ ہم آہنگ کرتا ہے اور جدت کو فروغ دیتا ہے۔انہوں نے تکنیکی ترقی کو آگے بڑھانے میں اکیڈمی اور صنعت کے درمیان تعاون کی اہمیت پر بھی زور دیا۔منوج سنہا کاکہناتھاکہ تعلیمی اداروں اور صنعتوں کے درمیان شراکت داری جدت طرازی کو فروغ دینے اور جدید ٹیکنالوجیز تیار کرنے کے لیے اہم ہے جو ہندوستان کو ایک عالمی رہنما کے طور پر کھڑا کرے گی۔ انہوں نے مزید کہاکہ جموں اور کشمیر نے ایک بے مثال صنعتی عروج کا مشاہدہ کیا ہے۔ حکومت اس بات کو یقینی بنانے کے لیے پرعزم ہے کہ جموں و کشمیر کے نوجوان اعلیٰ درجے کے کاروباری افراد کے طور پر ابھریں، جو ہندوستان کی معیشت میں اہم کردار ادا کر رہے ہیں۔لیفٹنٹ گورنر منوج سنہا نے نئی تعلیمی پالیسی کو ہندوستان کے تعلیمی اور تکنیکی مستقبل کی تشکیل کے لئے ایک انقلابی روڈ میپ قرار دیتے ہوئے اس کا خیرمقدم کیا۔منوج سنہا نے تبصرہ کیاکہ نئی قومی تعلیمی پالیسی ہماری رہنما ہے اور ہمارے تعلیمی نظام کو عالمی معیار کے ساتھ ہم آہنگ کرنے میں اہم کردار ادا کرے گی۔انہوں نے تکنیکی ترقی کو آگے بڑھانے کے لیے اکیڈمی اور صنعت کے درمیان تعاون کی اہم ضرورت پر زور دیا۔لیفٹنٹ گورنر منوج سنہا نے کہا کہ تعلیمی اداروں اور صنعتوں کے درمیان ہم آہنگی اختراع کو فروغ دینے اور جدید ترین ٹیکنالوجیز تیار کرنے کے لیے ضروری ہے جو ہندوستان کو عالمی سطح پر مزید آگے بڑھائے گی
