گاندربل/06فروری2025ئضلع ترقیاتی کمشنر گاندربل جِتن کشور نے ضلع میں پی ایم سوریہ گھر مفت بجلی یوجنا کی عمل آوری اور پیش رفت کا جائزہ لینے کے لئے آج ایک میٹنگ کی صدارت کی۔میٹنگ کے شروعات میں ایگزیکٹیو اِنجینئر کے پی ڈی سی ایل نے ایک تفصیلی پاورپوائنٹ پرزنٹیشن پیش کی جس میں سکیم کے مقاصد اور فوائد کا خاکہ پیش کیا گیا۔میٹنگ کو جانکاری دی گئی کہ پورٹل پر 143 درخواستیں موصول ہوئی ہیں اور مستحقین کے گھروں میں سولر سیٹ اَپ کی تنصیب کے لئے 39 وینڈروں کو پینل میں شامل کیا گیا ہے۔ضلع ترقیاتی کمشنر نے عوامی بیداری اور شرکت کی اہمیت پر زور دیتے ہوئے ایگزیکٹیواِنجینئرکے پی ڈِی سی ایل کو ہدایت دی کہ وہ شراکت داروں کو فعال طور پر شامل کریں اور اُنہیں اِس سکیم کے فوائد اور مراعات سے آگاہ کریں۔اُنہوں نے ضلع بھر میں اِس سکیم کی زیادہ سے زیادہ رَسائی اور کامیاب عمل آوری کو یقینی بنانے کے لئے مشترکہ کوششوں کی ضرورت پر زور دیا۔
