پانزو ترال میں دلدوز حادثہ

سید اعجاز
ترال//سب ضلع ترال کے پانزوںنامی گاﺅں میں جمعہ کی شام اس وقت ایک دلدوز حادثہ واقعہ پیش آیا جب گاﺅں میں کھڑا سکول گاڑی میں ایک بچی کھیلنے کے دوران لقمہ اجل بن گئی ۔ذرائع کے مطابق اول جماعت کی طالبہ عائشہ اشفاق دختر اشفاق احمد ایتو ساکن پانزو ترال گاﺅں میں اپنے ہی گھر کے باہرکھڑی سکول گاڑی میں جمعہ کی شام پر اسرارحالت میںمردہ پائی گئی ہے۔مقامی لوگوںبتایا گاڑی سکول کی ہے جس کو بچی کا والدبطور ڈارئیور تعینات ہے۔انہوں نے بتایا مہلوک بچی اور اس کی تین سالہ بہن اسی گاڑی میں کھیلتے تھے اور گھر والے واقعے کے وقت گھر میں موجود نہیں تھے اس دوران کسی کی نظر گاڑی پر پڑی اور انہوں نے یہاں بچی کو مردی حالت میں پایااور انہوں نے فوری طور پولیس کو مطلع کیا۔ واقعے کے فوراً بعد ترال پولیس نے ایف ایس ایل ٹیم کو ساتھ لیکر پانزو پہنچے اور تمام قانونی لوازمات پورا کرنے کے بعد بچی کی لاش کو تحویل میں لیا جس کا پوسٹ مارٹم کیاگیاہے ۔ اس دوران پولیس نے بتایا ابتدائی تحقیقات کے دوران یہ بات سامنے آئی ہے کہ موت حادثاتی طور ہوا ہے تاہم پولیس اس کیس کوہر زاویہ سے دیکھ رہی ہے اور انہوںاس حوالے سے BNSSکے تحت کیس درج کیا اور مزید کارروائی جاری ہے۔