صوبائی کمشنر جموں اور آئی جی پی جموں نے رام بن کے سیلاب زدہ علاقوں کا دورہ کیا

صوبائی کمشنر جموں اور آئی جی پی جموں نے رام بن کے سیلاب زدہ علاقوں کا دورہ کیا
بحالی اور اِمدادی اَقدامات کا جائزہ لیا
رام بن/21اپریل2025ئصوبائی کمشنر جموں رمیش کمار اور اِنسپکٹر جنرل آف پولیس بھیم سین توتی نے آج رام بن ضلع کے سیلاب سے متاثرہ اور لینڈ سلائیڈنگ سے متاثرہ علاقوں کا تفصیلی دورہ کیا اور آفاتِ سماوی کی وجہ سے ہونے والے نقصانات کا جائزہ لیا۔صوبائی کمشنر اور آئی جی پی جموں کے ہمراہ ضلع ترقیاتی کمشنر رام بن بصیر الحق چودھری، ایس ایس پی رام بن کلبیر سنگھ، ایس ایس پی ٹریفک این ایچ ڈبلیو راجا عادل حامد نے سیری، بولی بازار، مین بازار رام بن، ہائیر سیکنڈری سکول ائیریا اور نوی بستی سمیت متعدد شدید متاثرہ مقامات کا دورہ کیا۔صوبائی کمشنر اور آئی جی پی نے متاثرہ کنبوں کے اَفراد سے بات چیت کی اور جاری ریسکیو، ریلیف اور بحالی کی کاموں کا اَزخو دجائزہ لیا۔صوبائی کمشنر جموںنے متعلقہ محکموں کو ہدایت دی کہ وہ ضروری خدمات بالخصوص قومی شاہراہ۔ 44 ٹریفک کی بحالی میں تیزی لائیں جو خطے میں اِمدادی اَقدامات کو تیز کرنے کے لئے اہم ہے۔اُنہوں نے نیشنل ہائی ویز اَتھارٹی آف اِنڈیا (این ایچ اے آئی) کے عہدیداروں کے ساتھ ایکشن پلان پر تبادلہ خیال کرنے کے بعد اُنہیں ہدایت دی کہ وہ ٹریفک کی آواجاہی کی تیزی سے بحالی کو یقینی بنانے کے لئے تندہی سے کام کریں۔ اُنہوں نے ضلعی اِنتظامیہ کو ہدایت دی کہ وہ بحالی کے کام کو آسان بنانے کے لئے این ایچ اے آئی کو ضروری مدد فراہم کریں۔
صوبائی کمشنر نے ایک مربوط ردِّعمل کی اہمیت کو اُجاگر کرتے ہوئے تمام محکموں کو پانی کی فراہمی ، بجلی کی فراہمی اور دیگر عوامی سہولیات کی بحالی میں تیزی لانے کی ہدایت دی۔ اُنہوں نے نقصانات کے فوری جائزہ لینے پر زور دیتے ہوئے عوام کو یقین دِلایا کہ پہلے سے تعینات ٹیمیں اِس بات کو یقینی بنانے کے لئے جامع جائزہ لیں گی کہ حقیقی نقصانات کو ریکارڈ کیا جائے اور اس کے مطابق معاوضہ دیا جائے۔
مقامی باشندوں نے صوبائی کمشنر کے ساتھ چیت کرتے ہوئے آفاتِ سماوی کے عروج کے دوران فوری کارروائی کرنے اور حقیقی وقت پر ردِّعمل دینے پر ضلعی اِنتظامیہ کا شکریہ اَدا کیا۔ اُنہوں نے تسلیم کیا کہ فوری مداخلت نے جانوں اور املاک کے نقصان کو کم کرنے میں مدد ملی۔
صوبائی کمشنر جموںنے جاں بحق افراد کے اہل خانہ سے دلی ہمدردی کا اِظہار کیا اور متاثرہ آبادی کو ہر ممکن مدد فراہم کرنے کے اِنتظامیہ کے عزم کا اعادہ کیا۔