سرینگر /مرکزی شہری ہوا بازی کے وزیر رام موہن نائیڈو نے جمعرات کو کہا کہ یہ کشمیر کی معیشت کے ساتھ کھڑے ہونے کا وقت ہے اور لوگوں سے اپیل کی کہ وہ دوبارہ وادی کا دورہ کریں۔کشمیرنیوز سروس ( کے این ایس ) کے مطابق نامہ نگاروں سے بات کرتے ہوئے نائیڈو نے کہا کہ جس طرح سے ملک بھر کے لوگ پہلگام حملے کے بعد متحد ہوئے تھے، یہ کشمیر کی معیشت کے ساتھ کھڑے ہونے کا وقت ہے۔”ہم یہاں کشمیر کی سیاحت کو بحال کرنے کے لیے آئے ہیں۔ فلائٹ آپریشن دوبارہ شروع ہو گیا ہے۔ لوگوں کو دوبارہ یہاں کا دورہ کرنا چاہیے۔ یہ سیر کے لیے محفوظ جگہ ہے،”انہوں نے سری نگر ہوائی اڈے پر سہولیات کا بھی جائزہ لیا۔ انہوں نے کہا کہ سری نگر ہوائی اڈے پر فلائٹ آپریشن دوبارہ شروع ہو گیا ہے۔ میں نے یہاں مقامی لوگوں سے ملاقات کی جنہوں نے آواز دی کہ سیاحت کو بحال کیا جانا چاہیے۔ حکومت اس سلسلے میں تمام ضروری اقدامات کرے گی۔
