سرینگر ///ترال کے مختلف علاقوں میں جنگلی جانوروں نے انسانی بستیوں کا رخ کر کے کئی افراد کو زخمی کردیا ہے جبکہ قصبے میں مسلسل تیندوے کی موجودگی سے لوگوں میں تشویش کی لہر دوڑ گئی ۔کشمیرنیوز سروس ( کے این ایس ) کومقامی لوگوں نے بتایا ریچھ نے گزشتہ روز محمد افضل گورسی ساکن نارستان پر ان کے گھر کے باہر ان پر حملہ کیا ہے جس کے نتیجے میں وہ شدید زخمی ہوا ہے اس دوران خون میں لر پت شہری کو پہلے آری پل اس کے بعد ترال منتقل کیا گیا ہے ۔ادھر اسی طرح کے ایک واقعے میں ریچھ نے50سالہ مظفر احمد خان پر راجپورہ اونتی پورہ کے مقام پر حملہ کر کے انہیں شدید زخمی کر دیا ہے جس کے نتیجے میں وہ شدید زخمی ہوا ہے جس کے بعد اسے سرینگر منتقل کیا گیا ہے ۔جبکہ اسی ریچھ کو دن کے اجالے میں پھر لوگوں نے دیکھا ہے جس کی وجہ سے اب لوگ کھیتوں میں جانے سے ڈر محسوس کر رہے ہیں ۔ادھر ترال کے گنہ کوچہ،اور کالج روڑ والے طرف لوگوں نے گزشتہ چند روز کے دوران ایک تیندوے کو گھومتے دیکھا ہے ۔ترال علاقے میں گزشتہ سال تیندوے نے ایک بچی کو ہلاک ایک کو زخمی کر دیا تھا جبکہ مویشوں کو بھی اپنا نوالہ بنایا۔محکمہ وائلڈ لائف نے بتایا انہوں نے مختلف مقامات پر جنگلی جانوروں کو قابو کرنے کے لئے جھال نصب کئے ہیں۔
