سید اعجاز
ترال//ضلع ترقیاتی کمشنر پلوامہ ڈاکٹر بشارت قیوم نے پیر کے روز ضلع پلوامہ کے شعیہ آبادی والے علاقوں کا دورہ کر کے یہاں محرم الحرام کے سلسلے میں کئے جا رہے انتظامات کا جائزہ لیا ۔۔ ڈی سی نے گونگو واکھرون اور پنیر ترال کے امام باڑوں کا دورہ کیا، جہاں انہوں نے شعیہ برادری کے ساتھ بات چیت کی۔ دورے کے دوران علاقے سے متعلق متعدد مسائل انتظامیہ کی نوٹس میں لائے گئے جن میں بجلی اور پانی کی بلاخلل فراہمی، جلوس کے راستوں کی صفائی، طبی سہولیات، اسٹریٹ لائٹنگ، سڑکوں اور عوامی سہولیات کی مرمت شامل ہیں۔ برادری کی طرف سے اٹھائے گئے خدشات کا جواب دیتے ہوئے، ڈپٹی کمشنر نے انہیںیقین دلایا کہ تمام شکایت کو دور کرنے کے لیے تمام ممکنہ اقدامات کیے جائیں گے۔ انہوں نے ضلعی انتظامیہ کے اس عزم کا اعادہ کیا کہ محرم کے آغاز سے قبل تمام انتظامات کو یقینی بنایا جائے۔ ڈی سی نے کہا کہ "تمام محکموں کو ہدایت کی گئی ہے کہ وہ عوام کو ضروری سہولیات فراہم کرنے اور پرامن ماحول اور محرم کے پرامن انعقاد کو یقینی بنانے کے لیے قریبی تال میل سے کام کریں۔۔ اس موقع پر ڈپٹی کمشنر نے گونگو پلوامہ کے مقام پر ایک پبلک پارک کا بھی افتتاح کیا جسے مقامی لوگوں کے لیے تفریحی مقام کے طور پر تیار کیا گیا ہے۔ وہاں موجود اجتماع سے بات چیت کرتے ہوئے، ڈاکٹر بشارت قیوم نے بنیادی سہولیات اور کمیونٹی انفراسٹرکچر کو بہتر بنانے کے لیے ضلعی انتظامیہ کی جاری کوششوں پر روشنی ڈالی۔ ڈپٹی کمشنر کے ساتھ سینئرپولیس اور سیول انتظامیہ کے افسران بھی موجود تھے
