سید اعجاز
ترال//شاہ آباد اور لالگام کے لوگوں نے جمعہ کے روز محکمہ دہی ترقی کے خلاف احتجاج کیا ۔احتجاج میں شامل لوگوں نے بتایا ڈاڈسرہ نامی گاوں کے کوڑے کو جمع کرنے کی غرض سے ان کی اراضی پر سیگری گیشن شیڈ تعمیر کرنے کا کام شروع کیا گیا ہے۔دونوں بستیوں کے لوگوں نے بتایا ڈاڈسرہ میں درجنوں کنال سرکاری اراضی موجود ہے جس پر کچھ بھی تعمیر ہو سکتا ہے ۔انہوں نے بتایا کہ دوسرے گاﺅں کے کوڑے کو یہاں جمع کرنا ان کے ساتھ سر اسر نا انصافی ہے ۔لوگوں نے بتایا کہ آج تک جہاں جہاں یہ شیڈ تعمیر کراوئے گئے ہیں وہاں اب کتوں کی موجودگی کے وجہ سے لوگوں کا چلنا پھرنا محال بن گیا ہے ۔احتجاج میں شامل کچھ بزرگوں نے بتایا کہ جہاں منصوبہ بنایا گیا ہے وہاں لوگوں کے باغات اور آبی اراضی موجود ہے جس کو خطرہ لاحق ہے۔انہوں نے بتایا اس شیڈ کو نریگا کے تحت تعمیر کیا جا رہا ہے جس میں صرف مزدور لگانے کی اجازت ہے انہوں نے بتایا عوام سے چوری چھپے اور جلدی کام مکمل کرنے کے غرض سے اس میں بلڈوزر کا استعمال کیا گیا ہے جو غیر قانی بھی ہے ۔دونوں بستیوں کے لوگوں نے بتایا کہ ہم کسی بھی صورت میں اس شیڈ کو تعمیر نہیں ہونے دیں گے ۔انہوں نے ایل جی اور چیف منسٹر سے زاتی مداخلت کی اپیل کی ہے۔
