جموں و کشمیر بھر میں یوگا کا عالمی دن جوش و خروش کے ساتھ منایا گیا۔

سرینگر /21جون// یوگا کا 11 واں بین الاقوامی دن ہفتہ کو کشمیر بھر میں منایا گیا جس میں زندگی کے تمام شعبوں سے تعلق رکھنے والےlلوگوں کی ایک بڑی تعداد مختلف مقامات پر ’آسن‘ انجام دیے۔جبکہ دن کے حوالے سے بڑے شہروں سے لیکر قصبوں تک تقریبات کا انعقاد کیا گیا ہے۔کشمیر نیوز سروس ( کے این ایس ) کے مطابق وادی کشمیر میں مرکزی تقریب شیر کشمیر انٹرنیشنل کانفرنس سنٹر (SKICC) کے لان میں مشہور ڈل جھیل کے نظارے میں منعقد ہوئی جس میں جموں و کشمیر کی وزیر صحت اور تعلیم سکینہ ایتو اور چیف سکریٹری اتل ڈولو سمیت سینکڑوں لوگوں نے شرکت کی۔ان کا کہنا تھا کہ شرکاءنے تربیت یافتہ انسٹرکٹرز کی رہنمائی میں کئی ‘آسن’ اور سانس لینے کی مشقیں کیں۔بی جے پی کی جموںو کشمیریونٹ نے یہاں لال چوک شہر کے مرکز میں واقع تاریخی ‘گھنٹہ گھر’ (کلاک ٹاور) میں یوم یوگا منایا۔صحافیوں سے بات کرتے ہوئے جے کے بی جے پی کے ترجمان الطاف ٹھاکر نے کہا کہ پارٹی کلاک ٹاور سے یہ پیغام دینا چاہتی ہے کہ کشمیر محفوظ اور پرامن ہے۔ٹھاکر نے کہا، ”ہم نہ صرف یہ پیغام دینا چاہتے ہیں کہ یوگا کے صحت کے فوائد ہیں، بلکہ لال چوک کے گھنٹہ گھر میں یوگا کر کے ہم یہ پیغام دینا چاہتے ہیں کہ کشمیر پرامن ہے اور سیاحوں کو یہاں آنا چاہیے۔“عہدیداروں نے بتایا کہ یوگا کا دن پوری وادی میں ضلع ہیڈکوارٹرز، تعلیمی اداروں اور سیاحتی مقامات پر بھی منایا گیا جس کے تھیم "یوگا فار ون ارتھ، ون ہیلتھ” ہے۔ڈپٹی کمشنرز نے متعلقہ ڈسٹرکٹ ہیڈ کوارٹرز میں تقریب کی قیادت کی جس میں سکول اور کالج کے طلباءنے بھی شرکت کی۔انہوں نے کہا کہ فوج، بی ایس ایف اور سی آر پی ایف سمیت سیکورٹی فورسز نے بھی یوگا کا عالمی دن منایا۔ایک ترجمان نے بتایا کہ کشمیر بی ایس ایف نے بی ایس ایف ہمہامہ کیمپس میں یوگا ڈے منایا۔بی ایس ایف کشمیر کی جانب سے سرحدی چوکیوں پر یوگا پروگرام بھی منعقد کیے گئے۔ سیشن میں افسران، جوانوں، خواتین اہلکاروں اور تربیت یافتہ افراد سمیت بڑی تعداد میں ٹرن آو¿ٹ دیکھا گیا، جو صبح سویرے جمع ہوئے تھے۔ترجمان نے کہا کہ اجتماعی شرکت نے جسمانی تندرستی، ذہنی وضاحت اور جذباتی توازن کے لیے یوگا کو روزانہ کے معمولات میں شامل کرنے کی اہمیت کو اجاگر کیا۔اس جشن کا اختتام یوگا کی باقاعدگی سے مشق جاری رکھنے اور اس کے فوائد کو کمیونٹیز میں پھیلانے کے عہد کے ساتھ ہوا۔جموں و کشمیر پولیس کے ریلوے پولیس ونگ نے وادی بھر کے تمام ریلوے اسٹیشنوں پر خصوصی یوگا سیشن کا انعقاد کیا۔انہوں نے کہا کہ ریلوے پروٹیکشن فورس (RPF)، ریلوے ملازمین اور یہاں تک کہ انتظار کرنے والے مسافروں میں خود نظم و ضبط اور خود کی دیکھ بھال کو فروغ دیا گیا۔اس دوران وادی کشمیر کے متعدد تعلیمی اداروں میں بھی عملے اور بچوں نے اس دن کے حوالے سے منعقد کئے گئے تقریبات میں بڑ چڑ کر حصہ لیا۔