سرینگر، 14 جنوری (کے این ایس): جنوبی کشمیر کے ضلع پلوامہ کے لتہ پورہ علاقے میں سی آر پی ایف کانوائی پر ہوئے خود کش حملے کے7سال مکمل ہونے کے موقعے پر بہادر اہلکاروں کو یاد کیا گیا ہے ۔اس موقعے پر وزیر اعظم نرندر مودی ،راہل گاندھی جموںو کشمیر کے ایل جی منوج سنہا نے الگ الگ پیغاموں نے ان اہلکاروں کو زبردست خراج عقیدت پیش کر کہا کہ پوری قوم ان کے لواحقین کے ساتھ کھڑی ہے ۔اس دوران سرینگر جموں شاہراہ کے لتہ پورہ مقام پر ایک تقریب بھی منعقد ہوئی جس میں بجارتیہ جنتا پارٹی کے ساتھ ساتھ مختلف ریاستوں سے آئے سیاحوں نے ان اہلکاروں کو یاد کیا ۔
کشمیر نیوز سروس ( کے این ایس ) کے مطابق پلوامہ حملے کی ساتویں برسی کے موقع پر جنوبی کشمیر کے پلوامہ ضلع کے لیتہ پورہ علاقے میں شہداءکو خراج عقیدت پیش کرنے کے لیے مختلف تقاریب کا انعقاد کیا گیا۔ یاد رہے کہ16 فروری 2019 کو ایک خودکش حملے میں 40 سے زائد سنٹرل ریزرو پولیس فورس (سی آر پی ایف) اہلکار ہلاک ہوئے تھے۔ہفتہ کے روز لیتہ پورہ میں جموں کشمیر پولیس، سی آر پی ایف کے علاوہ بھارتیہ جنتا پارٹی (بی جے پی) کے رہنماوں سمیت بڑی تعداد میں لوگوں نے بھی منعقدہ تقاریب میں شرکت کی۔سی آر پی ایف کی 185ویں بٹالین کی جانب سے منعقدہ مرکزی تقریب میں40بہادر جوانوں کی قربانیوں کو یاد کیا گیا جنہوں نے ڈیوٹی کے دوران اپنی جانوں کا نذرانہ پیش کیا تھا۔ تقریب میں شہداءکی یادگار پر گلباری کی کی گئی جبکہ حاضرین نے ایک منٹ کی خاموشی اختیار کرکے اپنی عقیدت کا اظہار کیا۔ تقریب میں سیول و پولیس انتظامیہ کے اعلیٰ افسران، اہلکاروں، سیاسی رہنماوں اور دیگر معزز شہریوں نے شرکت کی۔سی آر پی ایف کی جانب سے منعقدہ تقریب کے دوران ڈائریکٹر جنرل، سی آر پی ایف، گیانیندر پرتاپ سنگھ نے خطاب کرتے ہوئے کہاشہیدوں کی قربانیاں ہمیشہ یاد رکھی جائیں گیں۔“ انہوں نے خطاب میں باور کیا کہ ”حفاظتی اہلکار ملک کی سلامتی اور امن و امان کے قیام کے لیے ہر محاذ پر ثابت قدم ہیں۔“ انہوں نے دہشت گردی کے خلاف جدوجہد جاری رکھنے کے عزم کا بھی اعادہ کیا۔واضح رہے کہ 14 فروری 2019 کو سرینگر – جموں قومی شاہراہ پر ضلع پلوامہ کے لیتہ پورہ علاقے میں بارودی مواد سے بھری ایک نجی کار، جس میں خود کش حملہ ا?ور سوار تھا، نے سی آر پی ایف کے قافلے کی ایک بس کو نشانہ بنایا تھا، جس کے نتیجے میں زور دار دھماکہ ہوا اور 40اہلکار شہید ہوگئے۔ یہ سانحہ ملک کی تاریخ کے المناک واقعات میں شمار کیا جاتا ہے جس نے پوری قوم کو سوگوار کیا تھا۔حملے کے جواب میں بھارتی فوج نے جوابی کارروائی انجام دیتے ہوئے پاکستان اور پاکستانی زیر قبضہ کشمیر کے علاقوں میں سرجیکل سٹرائیک کرکے دہشت گرد ٹھکانوں کو نشانہ بنایا تھا۔
