سید اعجاز
سرینگر//سرینگر جموں شاہرہ پر بانہال میں شالگری کے مقام پر بدھ کی صبح ایک بڑی پسی گر آنے کے بعد شاہراہ پر دونوں اطراف سے ٹریفک کو معطل کر دیا گیا ہے ۔تاہم بحالی کا کام جاری ہے جس پر کچھ وقت لگ سکتا ہے۔ایس ایس پی ٹریفک این ایچ ڈبلیو نے بتایا کہ اگرچہ خونی نالہ کے قریب دگڈول میں لینڈ سلائیڈ کی وجہ سے روکے گئے ملبے کو رات کو صاف کر دیا گیا تھا، تاہم ہائی وے پر شالگاری میں ایک اور بڑا لینڈ سلائیڈ ہوا، جس کی وجہ سے ہائی وے کو دوبارہ بند کرنا پڑا۔انہوں نے بتایا کہ لینڈ سلائیڈ تقریباً 70 سے 80میٹر تک پھیلا ہوا ہے اور اس میں بڑے چٹانیں شامل تھیں، جس کی وجہ سے ہائی وے مکمل طور پر بند ہو گیا۔انہوں نے مزید بتایا کہ جب تک صفائی کا کام مکمل نہیں ہو جاتا تب تک کسی بھی گاڑی کو چلنے کی اجازت نہیں دی جائے گی۔انہوں نے مسافروں اور عام لوگوں سے اپیل کی کہ وہ ٹریفک پولیس کے ساتھ تعاون کریں اور جب تک بحالی کا کام مکمل نہیں ہو جاتا، غیر ضروری طور پر ہائی وے پر سفر کرنے سے گریز کریں۔
NOTIE..FILE PHOTO USED
