جموں/24 نومبر2024ئلیفٹیننٹ گورنرمنوج سِنہانے آج کبیر بھون بشناہ میں ” آل جموں وکشمیر سد گورو کبیر سبھا“ کے زیر اہتمام ” ستسنگ سماگم “ میں شرکت کی۔اِس موقعہ پر لیفٹیننٹ گورنر نے سنت کبیر کو خراجِ عقیدت پیش کیا اور سماج میں ان کی شاندار خدمات کو اُجاگر کیا ۔ اُنہوں نے کہا کہ سنت کبیر کا ویژن اور نظریات ہماری ثقافت میں موجود آفاقی اَقدار کی نمائندگی کرتے ہیں۔اُنہوں نے کہا ،” امن، ترقی اور خوشحالی کے لئے دِلوں اور اَذہان کا میل ملاپ ضروری ہے۔ آئیے ہم سب مل کر ایک جامع معاشرے کی تعمیر کے لئے کام کریں۔“لیفٹیننٹ گورنر نے کہا،”سنت کبیر کی تعلیمات مختلف سماجی مسائل اور چیلنجوں کی بھی عکاسی کرتی ہے اور خواتین کو بااِختیار بنانے اور بنکروں، کسانوں اور سماج کے دیگر پسماندہ طبقوں کی ترقی کی وکالت کرتی ہے۔ اندرونی تلاش اور سماجی اصلاح پر ان کا زور ہر ہندوستانی اور آنے والی نسلوں کو متاثر کرتا رہے گا۔“اُنہوں نے لوگوں پر زور دیا کہ وہ سنت کبیر کی تعلیمات اور فلسفے کو اَپنائیں اور اتحاد، امن اور سماجی اِنصاف کے پیغام کو عام کریں۔لیفٹیننٹ گورنر نے آل جموں و کشمیر سدگرو کبیر سبھا کے نمائندوں کی جانب سے پیش کئے گئے مسائل اور مطالبات کا جواب دیتے ہوئے یقین دِلایا کہ کمیونٹی کے ذریعے پیش کردہ حقیقی مسائل کو حل کرنے کے لئے مناسب کارروائی کی جائے گی۔اُنہوں نے کہا،”وزیر اعظم نریندر مودی نے محروم طبقوں کی مجموعی فلاح و بہبود کو اوّلین ترجیح دی ہے۔ اَب وقت آگیا ہے کہ دہائیوں سے امتیازی سلوک کا شکار کمیونٹیاںآگے آئیں اور ترقی کے سفر میں شراکت دار بنیں اور ترقی کے ثمرات سے لطف اندوز ہوں۔“لیفٹیننٹ گورنر نے کمیونٹی کو بااِختیار بنانے کے لئے اَپنے عزم کا اعادہ کیا اور حکومت کی طرف سے ہر ممکن تعاون کا یقین دِلایا۔
