نئی دلی :مرکزی وزیر داخلہ امت شاہ نے ہفتہ کو راجوری کے بدھل علاقے میں ہونے والی پراسرار اموات کی بین وزارتی جانچ کا حکم دیا جس میں اب تک 16 لوگوں کی موت ہو چکی ہے۔وزارت داخلہ کی قیادت میں بین وزارتی ٹیم متاثرہ گاو¿ں کا دورہ کرے گی تاکہ راجوری ضلع میں گزشتہ چھ ہفتوں کے دوران 3 واقعات میں اموات کی وجوہات کا پتہ لگایا جا سکے۔یہ ٹیم صحت اور خاندانی بہبود کی وزارت، زراعت کی وزارت، کیمیکل اور کھاد کی وزارت اور آبی وسائل کی وزارت کے ماہرین پر مشتمل ہوگی۔ اس میں حیوانات، فوڈ سیفٹی اور فرانزک سائنس لیبز کے ماہرین کی مدد بھی حاصل کی جائے گی۔ٹیم 19 جنوری کو آگے بڑھے گی اور مقامی انتظامیہ کے ساتھ مل کر فوری ریلیف فراہم کرنے کے ساتھ ساتھ مستقبل میں ایسے واقعات کو روکنے کے لیے احتیاطی تدابیر اختیار کرنے پر بھی کام کرے گی۔صورتحال کو سنبھالنے اور اموات کے سبب کے عوامل کو سمجھنے کے لیے ملک کے چند معروف اداروں کے ماہرین کا اہتمام کیا گیا ہے۔
