مرکزی وزیر داخلہ امیت شاہ کی رہائش گاہ پر بدھ کے روز جموںو کشمیر یوٹی کی سیکورٹی صورتحال پر ایک اعلیٰ سطحی میٹنگ منعقد ہوئی ہے اس دوران میٹنگ میں ایل جی منوج سنہا،جموںو کشمیر پولیس کے سربراہ ،نلن پربھات،فوج سی آر پی ایف اور انٹیلی جنس ایجنسیوں کے افسران نے شرکت کر کے وزیر داخلہ کو جموںو کشمیر کی تازہ سلامتی صورتحال سے متعلق جانکاری فراہم کی ہے ۔کشمیرنیوز سروس( کے این ایس ) کے مطابق منعقدہ میٹنگ سے خطاب کرتے ہوئے مرکزی وزیر داخلہ نے کہا کہ وزیر اعظم نریندر مودی کی قیادت میں حکومت جموں و کشمیر سے دہشت گردی کا مکمل صفایا کرنے کے لیے پرعزم ہے۔ انہوں نے کہا کہ مودی حکومت کی مسلسل اور مربوط کوششوں کی وجہ سے جموں و کشمیر میں دہشت گردی کا ماحولیاتی نظام نمایاں طور پر کمزور ہوا ہے۔ وزیر داخلہ نے تمام سیکورٹی ایجنسیوں کو ہدایت کی کہ وہ ’زیرو انفلٹریشن‘ کے ہدف کے لیے دہشت گردی کے خلاف جنگ کو تیز کریں
