سرینگر//کھیلو انڈیا ونٹر گیمز (KIWG) کو جموں و کشمیر کی شناخت اورقومی اتحاد کی عکاس قرار دیتے ہوئے، لیفٹیننٹ گورنر منوج سنہا نے پیر کو کہا کہ کھیل ہر شہری کو جوڑتے ہیں اور لوگوں کو مضبوط کردار اور نظم و ضبط پیدا کرنے کی ترغیب دیتے ہیں۔وہ مشہور سیاحتی مقام شہر آفاق گلمرگ میں KIWG-2026 کے چھٹے ایڈیشن کی ایک تقریب سے خطاب کر رہے تھے ۔گلمرگ میں پیر سے باضابط طور سرمائی کھیلوں کا باضابط طور آغاز کیا گیا ہے جہاںملک کے24ریاستوں سے1000سے زیادہایتھلیٹ اور باقی لوگ شرکت کر رہے ہیں ۔انہوں نے کہا ہے کہ ملک بھر سے آنے والے اسکائیرز نہ صرف کھلاڑی ہیں بلکہ جموں و کشمیر کے معزز مہمانکشمیر نیوز سروس( کے این ایس ) کے مطابق لیفٹیننٹ گورنر منوج سنہا نے کہا کہ کھیل جموں و کشمیر کی شناخت اور قومی اتحاد کے جذبے کی عکاسی کرتے ہیں۔”یہ ایک خوش آئند اتفاق ہے کہ ونٹر ونچیت فیسٹیول 22 فروری کو اختتام پذیر ہوا اور آج ہم یہاں کھیلو انڈیا سرمائی کھیلوں کا آغاز کر رہے ہیں۔ یہ محض ایک تقریب نہیں ہے بلکہ کھیلوں میں جموں و کشمیر کی شناخت، قومی اتحاد اور کھیلوں کی تخلیقی طاقت کا عکاس ہے، خاص طور پر ہمارے نوجوانوں کے لیے.اس موقع پر موجود کھلاڑیوں، کوچز، منیجرز اور کھیلوں کے شائقین کا خیرمقدم کرتے ہوئے، ایل جی سنہا نے تمام شرکائ کے لیے نیک خواہشات کا اظہار کیا۔ انہوں نے کہا کہ یہ صرف ایک مقابلہ نہیں ہے بلکہ آہستہ آہستہ سب کے تعاون سے ایک قومی تہوار میں تبدیل ہو رہا ہے۔گزشتہ چند برسوں میں کھیلوں کے شعبے میں ہونے والی پیش رفت کو اجاگر کرتے ہوئے، ایل جی نے کہا کہ جموں و کشمیر میں نوجوانوں کے امور اور کھیل کی مرکزی وزارت کی اہم حمایت اور وزیر اعظم نریندر مودی کی قیادت میں نمایاں ترقی ہوئی ہے۔انہوں نے کہا کہ کھیلو انڈیا مراکز کی توسیع نے خطے میں کھیلوں کے بنیادی ڈھانچے کو مضبوط بنانے میں اہم کردار ادا کیا ہے۔نہوں نے جموں و کشمیر کے نوجوانوں کو کھیلوں کے کامیاب انعقاد کے لیے ان کی لگن اور صلاحیتوں کے ساتھ ساتھ عہدیداروں کی انتھک کوششوں کا سہرا دیا۔ملک بھر سے آنے والے اسکائیرز کا پرتپاک استقبال کرتے ہوئے، ایل جی نے کہا کہ وہ نہ صرف کھلاڑی ہیں بلکہ جموں و کشمیر کے معزز مہمان ہیں۔ انہوں نے کہا کہ جموں و کشمیر کے لوگ آپ کا تہہ دل سے خیرمقدم کرتے ہیں اور چاہتے ہیں کہ آپ نہ صرف مقابلہ بلکہ زمین پر اس جنت کی روایت اور وقار کا بھی تجربہ کریں۔گلمرگ کے سکی ڈھلوانوں کا ذکر کرتے ہوئے، ایل جی سنہا نے کہا کہ یہاں منعقد ہونے والے مقابلے نہ صرف کھیلوں کی عمدگی بلکہ شرکاءکی ہمت، عزم اور خود اعتمادی کی بھی علامت ہیں۔
