نئی دہلی// گزشتہ 24 گھنٹوں کے دوران کورونا وائرس کے 16,764 نئے کیسز سامنے آئے ہیں، جس کے ساتھ ہی ملک میں کورونا وائرس کے کیسز میں دوبارہ اضافہ ہونے کے درمیان متاثرہ افراد کی تعداد 3,48,38,804 ہو گئی ہے۔اس دوران کورونا وائرس سے 220 مریض جاں بحق ہو ئے ہیں جس سے اب تک اس وبا سے مرنے والوں کی تعداد 4,81,080 ہو گئی ہے۔جمعرات کو ملک میں 66 لاکھ 65 ہزار 290 افراد کو کووڈ ویکسین لگائی گئی اور اس کے ساتھ ہی مجموعی ویکسینیشن کی تعداد ایک ارب 44 کروڑ 54 لاکھ 16 ہزار 714 ہو چکی ہے۔جمعہ کی صبح صحت اور خاندانی بہبود کی مرکزی وزارت کی طرف سے جاری کردہ تازہ ترین اعداد و شمار کے مطابق ملک میں اب تک کورونا کے نئے ویرنٹ اومیکرون کے کل 1,270 کیسز رجسٹر کیے گئے ہیں۔ گزشتہ 24 گھنٹوں میں 7 ہزار 585 مریض صحت یاب ہونے کے بعد اس جان لیوا وبا سے نجات پانے والوں کی تعداد 3 کروڑ 42 لاکھ 66 ہزار 363 ہو گئی ہے۔ اس عرصے کے دوران ایکٹو کیسز 8,959 سے بڑھ کر ایک بار پھر 91,361 ہو گئے۔ملک میں ہلاکت خیز کورونا وائرس سے صحت یابی کی شرح 98.36 فیصد، ایکٹیو کیسز کی شرح 0.26 فیصد اور اموات کی شرح 1.38 فیصد تک پہنچ گئی ہے۔
