سید اعجاز
سرینگر//شہر سرینگر کے جوا ہر نگر علاقے میںگھوم رہے 2ریچھوں کو محکمہ وائلڈ لائف نے پولیس اور سی آر پی کی مدد سے دوران شب بے ہوش کر کے قابو کیا ہے جس کے بعد مقامی لوگوں نے راحت کی سانس لی ہے ۔شہر سرینگر کے جواہر نگر علاقے میںاتوار کی صبح مقامی لوگوں نے ایک مادہ ریچھنی کو بچے سمیت دیکھا گیا ہے جس کی وجہ سے علاقے میں خوف و ہراس اور افرا تفری کا ماحول پیدا ہوا۔ریچھ نے ایک بستی سے دوسری جگہ بھاگنے کے دوران ایک سکول چپراسی کو بھی زخمی کیا ہے جس کے بعد مقامی لوگ گھروں میں سہم ہو کر رہ رہ گئے ۔واقعے کے حوالے سے اطلاع موصول ہونے کے ساتھ ہی محکمہ وائلڈ لائف کے سینئر افسران و فیلڈ عملہ علاقے میں پہنچا جنہوں نے یہاں چھپے ریچھو ں کو تلاش کرنے کے لئے بڑے پیمانے پر آپریشن شروع کیا ہے اور اس وقت ایک آرضی ایڈوائزی بھی جاری کی ہے۔محکمہ وائلڈ لائف کنسر ویٹر راشد نقاش نے بتایااتوار کی صبح اطلاع موصول ہونے کے ساتھ ہی انہوں نے علاقے میں آپریشن شروع کیا ہے۔انہوں نے کہا مسلسل کوششوں کے بعدمحکمہ نے پیر کی صبح قریب2بجے پولیس سی آر پی کی مدد سے ریچھ کا پتہ لگا دونوں کو بے ہوش کر کے وہاں سے اٹھا لیا ہے انہوں نے بتایا اب علاقے میں اب کسی بھی قسم کی کوئی پریشانی نہیں جہاں تمام لوگوں بلا کسی پریشانی کے معمول کا کار بار چلا سکتے ہیں جبکہ سکولی بچے سکول جا سکتے ہیں ۔راشد نقاش نے بتایا یہ ان سروس میں پہلا بڑا آپریشن تھا
