سری نگر:۲۱،اگست : : جموں و کشمیر کا محکمہ تعلیم ،تعلیمی سال 2023-24کےلئے”کلسٹر ریسورس کوارڈی نیٹروں “کی خدمات حاصل کرے گا تاکہ سرکاری اسکولوں میں فیکلٹی کی کمی کو پورا کیا جا سکے۔جے کے این ایس کے مطابق ڈائریکٹوریٹ آف اسکول ایجوکیشن کشمیراور ڈائریکٹوریٹ آف اسکول ایجوکیشن جموں نے اس سلسلے میں9،اگست2023کو یکساں نوٹیفکیشن زیر نمبر01-DSEKآف2023جاری کی ہے۔ڈائریکٹوریٹ آف اسکول ایجوکیشن کشمیرگورنمنٹ ہائی اور ہائر سیکنڈری اسکولوں کےلئے تعلیمی سال 2023-24 کےلئے(31مارچ2024تک )”کلسٹر ریسورس کوارڈی نیٹرس برائے ٹیچنگ سپورٹ‘کی خدمات حاصل کرنے کےلئے ایک نوٹس کا اشتہار دیا ہے۔جاری نوٹیفکیشنز کے مطابق دونوں صوبوں کشمیر اور جموں میںبرابری کی بنیاد پر ہائی اور ہائر سیکنڈری اسکولوں میں 748،748 کلسٹر ریسورس کوآرڈینیٹرز (اساتذہ) کو ایک سال کے کنٹریکٹ پر بھرتی کیا جائے گا۔یعنی محکمہ تعلیم کل ملاکر تعلیمی سال 2023-24کےلئے1496کلسٹر ریسورس کوآرڈینیٹرز (اساتذہ) کی کنٹریکٹ بنیاد پرخدمات حاصل کرے گا۔ڈائریکٹوریٹ آف اسکول ایجوکیشن کشمیرکی جاری نوٹیفکیشن کے مطابق کشمیر ڈویژن میں ایک سالہ کنٹریکٹ پر تعینات کئے جانے والے اساتذہ میں باٹنی اسٹریم میں 45، کیمسٹری میں 57، کامرس15،EVSمیں30،انگریزی میں82، معاشیات میں40، ایجوکیشن میں 48، جغرافیہ میں08، ہسٹری میں 40 ،کشمیری 08،ریاضی میں 100،فزیکس میں55،پولیٹکل سائنس 60،سوشیالوجی 30،شماریات میں 06،اُردومیں65،زولوجی میں 53اساتذہ شامل ہیں۔ڈائریکٹوریٹ آف اسکول ایجوکیشن جموںکے مطابق جموں ڈویژن میں ایک سالہ کنٹریکٹ پر تعینات کئے جانے والے اساتذہ میں باٹنی اسٹریم میں 80، کیمسٹری میں 30، کامرس15، ہندی15 ، کمپیوٹر سائنس میں 15، معاشیات میں75، ایجوکیشن میں 75، ریاضی110، انگلش110، جغرافیہ میں 10، تاریخ میں 20، ڈوگری05، سنسکرت میں05، فزکس میں 18، پولیٹیکل سائنس میں40، سوشیالوجی میں10، شماریات10، اردو میں35 اور زولوجی میں 70اساتذہ کی تقرری کی جائے گی۔بمطابق نوٹیفکیشنز ، اساتذہ کو مقررہ اعزازیہ پر اسکولوں میں کنٹریکٹ کی بنیاد پر تعینات کیا جانا ہے۔ڈائریکٹوریٹ آف اسکول ایجوکیشن کشمیراور ڈائریکٹوریٹ آف اسکول ایجوکیشن جموں نے مختلف مضامین کے لئےبھرتی کا عمل شروع کیا ہے جس کے لیے پوسٹ گریجویٹ خواہشمنداُمیدوارکی زیادہ سے زیادہ عمر کی حد 40 سال کے آسامیوں کے لیے درخواست دینے کے اہل ہیں۔انہوں نے مزید کہا کہ درخواست بھرنے کی آخری تاریخ 20 اگست2023 ہے۔
مرکزی وزیرداخلہ کاتمغہ برائے تحقیقاتی کارکردگی2023
مرکزی وزیرداخلہ کاتمغہ برائے تحقیقاتی کارکردگی2023
