نیوز ڈیسک
ترال //جنوبی کشمیر کے سب ضلع ترال کے نہر ترال سے تعلق رکھنے والا محکمہ شپ ہسبنڈی کا ایک فرض شناس اور جواں سال ملازم عاشق حسین شاہ ولد عبد الحمید شاہ دوران ڈیوٹی گزشتہ دنوں ایک بہک میں اچانک بیمار ہوئے جس کے بعد انہیں ہسپتال لایا گیا ہے جہاں وہ سرینگر کے ایس ایم ایچ ایس میں کئی روز تک زیر علاج رہنے کے بعد اتوار کے روز صبح ساڑے نو بجے کے قریب انتقال کر گئے مرحوم انتہائی شریف النفس شخصیت کے مالک تھے والد کے انتقال کے بعد وہ محکمہ میں ملازمت کرتا تھا ان کے والدکا انتقال بھی کم عمر میں ہی ہوا تھا ۔عاشق حسین کی شرافت کا اندازہ اس بات سے لگایا جا سکتا ہے کہ ہسپتال میں زیر علاج رہنے کے دوران ہر مسجد میں تقریباً ان کی صحت یابی کے لئے دعا ئیںمانگی گئی ہے جبکہ ہر گھر میں لوگوں نے انہیں یاد کیا ہے۔ اتوار کے صبح جب ان کے انتقال کی خبر سوشل میڈیا پر پھیل گئی تو ان کے آبائی گاﺅں میں کہرام مچ گیا۔علاقے میں ہر آنکھ نم ہے اور ہر سو ماتم کی لہر دوڑ چھا گئی ہے جبکہ محکمہ شیپ ترال کے تمام ملازم اپنے ساتھی کے انتقال پر دکھ سے نڈھال ہے عاشق حسین محکمے کا ایک بہادر ملازم تھا ۔عاشق حسین کے انتقال کی خبر کی تصدیق ان کے مامو جان ( غلام حسن ملک عرائض نویس ) نے کی ہے۔مرحوم اپنے پیچھے بیوہ والدہ،دو معصوم بچے اور جواں سال اہلیہ کو چھوڑ گیا ہے ۔ان کی ایک ہمشیرہ بھی ہے جس کی شادی چند سال پہلے ہوئی ہے ۔مرحوم کے انتقال پر مختلف لوگوں نے پورے خاندان کے ساتھ تعزیت اور یکجہتی کا اظہار کیا،۔