بڈگام/16اکتوبر2023ئجموں و کشمیر اکیڈمی آف آرٹ، کلچر اینڈ لنگویجز (جے کے اے سی ایل) نے آل جموں و کشمیر فوک آرٹسٹ ایسوسی ایشن کے اِشتراک سے گورنمنٹ ڈگری کالج چاڈورہ میں دو روزہ وتھورہ کلچرل فیسٹول کا اِنعقاد کیا۔سیکرٹری سیاحت و ثقافت ڈاکٹر سیّد عابد رشید شاہ نے فیسٹول اِفتتاح کیا۔اِفتتاحی دن میں فنکاروں کے مختلف گروپوں کی جانب سے کشمیری روف، صوفیانہ موسیقی، لوک موسیقی، با>نڈ= پا>تھ=ر، دمبالی رقص، بچہ= نغمہ ، وَنوُن، لڑی شاہ سمیت دیگر پرفارمنس کا مظاہرہ کیا گیا۔اِس موقعہ پر سیکرٹری نے خطاب کرتے ہوئے سرد موسم کے باوجود تقریب میں پُرجوش شرکت پر منتظمین، فن کاروں اور طلباءکی سراہنا کی۔اُنہوں نے کہا کہ جموں و کشمیر اکیڈمی آف آرٹ، کلچر اینڈ لنگویجز (جے کے اے سی ایل)جموں و کشمیر کے دونوںصوبوں میں اِن ثقافتی پروگراموں کا اِنعقاد جاری رکھے گا تاکہ جموں و کشمیر کے ثقافتی ورثے کو فروغ دیا جا سکے۔ڈاکٹر سیّدعابد رشید شاہ نے نوجوانوں پر زور دیا کہ وہ مستقبل میں ہماری بھرپور ثقافت کی بحالی اور اسے محفوظ رکھنے کے لئے اَپنا اہم کردار اَدا کریں۔اُنہوں نے مزید کہا کہ حکومت ثقافت کو فروغ دینے اور اس کے تحفط کے لئے تمام تر کوششیں کر رہی ہے۔ اُنہوں نے فن کاروں یا ثقافتی سرگرمیوں سے وابستہ اَفراد کو ہر قسم کے تعاون کا یقین دِلایا۔ اِس موقعہ پرنسپل جی ڈی سی چاڈورہ پروفیسر رفعت آرا، اِنچارج آفیسر کلچرل اکیڈمی ڈاکٹر فاروق اَنور مرزا، ڈاکٹر سیّد اِفتخار احمد، ڈاکٹر شبنم رفیق، نثار نسیم، ایم یوسف شاہین، غلام محی الدین اعجازاور دیگر معززین بھی موجود تھے۔
اِس موقعہ پر معروف فن کاروں اور کالج کے طلباکی پرفارمنس نے موجود سامعین کی بڑی تعداد کو محظوظ اور مسحور کیا۔
