سری نگر16 اکتوبر،: موسم سرما سے پہلے، حکام نے پیر کو وادی کشمیر میں بجلی کی کٹوتی کا تازہ شیڈول جاری کیا۔جس کے مطابق میٹر والے علاوں میں 4.5گھنٹوں کی جبکہ غیر میٹر والے علاقوں میں8گھنٹے کی کٹوتی ہوگی ۔کشمیر نیوز سروس ( کے این ایس ) کے مطابق شیڈول کے مطابق، کشمیر پاور ڈیولپمنٹ کارپوریشن لمیٹڈ (KPDCL) نے کہا ہے کہ میٹر والے علاقوں میں روزانہ کی بنیاد پر 4.5گھنٹے بجلی کی کٹوتی ہوگی۔اس میں کہا گیا ہے کہ 1گھنٹہ 30 منٹ کی کٹوتی تین شفٹوں میں ہوگی – صبح، دوپہر اور شام۔اس میں مزید کہا گیا ہے کہ غیر میٹر والے علاقوں میں باقاعدگی سے 8 گھنٹے کی کٹوتی ہوگی ۔خیال رہے کشمیر وادی میں موسم سرما شروع ہونے کے ساتھ کٹوتی ایک پرانہ طریقہ ہے تاہم چند سال پہلے حکومت نے اس کمی کو دور کیا تھا جس کی وجہ سے لوگوں کو آسانی پیدا ہوئی تھی ۔