سیداعجاز
ترال//ایڈیشنل ڈپٹی کمشنر ترال ساجد یحیٰ نقاش نے پیر کی شام ترال میں کئی اہم سرکاری دفاتر کا چانک دورہ کر کے یہاں کام کاج کا جائزہ لیا ،تاکہ خراب ،موسم کے دوران لوگوں کو کسی پریشانی کا سامنا نہ کرنا پڑے ۔دفتری ذرائع نے بتایا کہ اے ڈی سی نے کے پی ڈی سی ایل ترال، پی ڈبلیو ڈی، آر اینڈ بی ترال اور سب ڈسٹرکٹ ہسپتال ترال کا اچانک معائنہ کیا تاکہ ادارے کے کام کرنے عملے کی وقت کی پابندی کا جائزہ لیا جا سکے اور حکومتی رہنما خطوط کی تعمیل کے ساتھ ساتھ خراب موسم کے لیے تیاری کا بھی جائزہ لیا جا سکے۔ایڈیشنل ڈپٹی کمشنر نے ریسیونگ سٹیشن ترال اور ورکشاپ کا دورہ کیا اور بجلی سپلائی کی صورحال پر تبادلہ خیال کیا۔اے ڈی سی نے Aee آفس میں 24×7کے لیے کنٹرول روم قائم کرنے کی ہدایت دی۔انہوں نے آر اینڈ بی آفس کے دورے کے دوران موسم سرما کی تیاریوں کے حوالے سے تمام کارروائیوں کو مکمل کرنے کی ہدایت دی ہے۔بعد ازاں، ایڈیشنل ڈپٹی کمشنر ترال نے ایس ڈی ایچ ترال کا دورہ کیا اور ایمرجنسی او پی ڈی کا معائنہ کیا اور ڈیوٹی پر موجود ڈاکٹروں سے بات چیت کی۔اس بات پر زور دیا گیا کہ لوگوں کو صحت کی بہترین خدمات فراہم کرنے کے لیے زمینی سطح کے کارکنوں جیسے آشا اور پی ایچ سی کو متحرک کیا جائے گااورکسی بھی ایمرجنسی کی صورت میں ایمبولینس کی خدمات مہیا کی جائیں گی
