سرینگر /07اپریل / / جموں کشمیر پولیس نے عوام کو خبر دار کیا ہے کہ ایک شخص پولیس سربراہ آر آر سوئن کے نام سے جعلی فون نمبر استعمال کرکے لوگوں سے پیسہ وصول رہا ہے اور اس شخص سے ہوشیار رہنے کی تلقین کی ہے ۔ سی این آئی کے مطابق جموں و کشمیر پولیس نے لوگوں کو ایک ایسے شخص کے بارے میں چوکنا رہنے کو کہا جو ایک فون نمبر کا استعمال کرتے ہوئے دھوکہ دہی کے ذریعے خود کو پولیس کے ڈائریکٹر جنرل آر آر سوین کو ظاہر کرتا ہے، اور ساتھی پولیس افسران سمیت مختلف لوگوں سے پیسے مانگتا ہے۔پولیس کے ترجمان نے کہا کہ اس کا نوٹس لیا گیا ہے اور قانون کے تحت قانونی کارروائی شروع کر دی گئی ہے۔ انہوں نے یہ بھی کہا کہ دھوکہ دہی کرنے والے کی شناخت کی جا رہی ہے۔اس سلسلے میں پولیس کی جانب سے جاری کرد ہ بیان کے مطابق ”ایک شخص موبائل فون نمبر 8891979985 استعمال کر رہا ہے اور جعلی طو رپر خود کو پولیس سربراہ آر آر سوئن خود کو ظاہر کر رہا ہے “۔ انہوں نے مزید کہا ” دھوکہ باز ساتھی پولیس افسران سمیت مختلف لوگوں سے پیسے مانگ رہا ہے جو اس کے خیال میں اس کے جال میں پھنس سکتے ہیں“ ۔انہوں نے مزید کہا کہ جب کہ قانون کے تحت قانونی کارروائی جاری ہے، دوستوں، ساتھیوں اور یہاں تک کہ رشتہ داروں سے بھی گزارش ہے کہ وہ اس شخص اور مستقبل میں ایسے افراد کے بارے میں چوکس رہیں۔