سید اعجاز
ترال //پی ڈی پی کے سینئر لیڈر اور سری نگرپارلیمانی انتخاب نشست کے پی ڈی پی امیدوار وحید الرحمان پرا نے پارٹی کی جانب سے انہیںامیدوار نامزد کرنے کے ایک روز بعد پیر کو جنوبی کشمیر کے ترال کے ایک دور افتادہ گاو¿ں کارمولہ میں ایک پورگرام منعقد کیا۔انہوں نے کہا کہ اس انتخاب کے دوران کم سے کم ہم لوگوں سے ملیں گے جو سلسلہ بند ہوا تھا اور پی ڈی پی کا مقصد خاموشی توڑنا اور لوگوں میں خوف ختم کرنا ہے۔اپنے خطاب میں پرانے کہا کہ پی ڈی پی واحد جماعت ہے، جو جموں و کشمیر میں گوجر بکروال برادری کی فلاح و بہبود کے لیے سب سے آگے رہی۔انہوں نے کہا کہ آرٹیکل 370کی منسوخی کے بعد پراپرٹی ٹیکس، بجلی کی قیمتوں میں اضافہ اور دیگر مسائل نے لوگوں کو مشکل وقت دیا ہے، یہاں تک کہ ہر ایک طبقہ کے لوگ بات کرنے سے بھی ڈرتے ہیں۔انہوں نے کہا کشمیر کے لوگ آرٹیکل 370کی منسوخی کے بعد اپنی آواز اٹھانے سے ڈرتے ہیں۔ ہم کشمیر کے لوگوں کے ساتھ رابطہ قائم کرنے کی کوشش کر رہے ہیں، جبکہ ہمیں پارلیمنٹ میں جانے کی ضرورت ہے کیونکہ سابق ممبران پارلیمنٹ اہم مسائل کو اٹھانے میں ناکام رہے۔ ہم لوگوں کو یہ احساس دلانے کی کوشش کر رہے ہیں کہ کوئی ہمارے لیے بول رہا ہے،‘میڈیا کے ساتھ بات کرتے ہوئے انہوں نے کہا کہ پرانے کہا کہ پی اے جی ڈی بنیادی طور پر محبوبہ مفتی نے تشکیل دی تھی، کیونکہ وہ ہر لیڈر کے دروازے پر گئیں، اور انہیں باہر لے گئیں، جس سے پی اے جی ڈی کا آئیڈیا سامنے آیا، اور یقین دلایا کہ پی ڈی پی لوگوں کو متحد کرتی رہے گی۔اس انتخابی ریلی میں پی ڈی پی کے سینئر لیڈر اور ڈی ڈی سی کے چیئرپرسن سید باری اندرابی، پی ڈی پی کے ترجمان اور ڈی ڈی سی ممبر ترال، ڈاکٹر ہربکاش سنگھ، پی ڈی پی زون کے صدر ترال، قطب دین شاہ، لطیف بٹ، ،فاروق احمد رشی ایڈوکیٹ ضیاءالرحمان، شاہد امین، ڈاکٹر پیرزادہ معراج الدین نے شرکت کی۔
