ہٹی پورہ پانپور میں کشتی جہلم میں ڈوب گئی

سید اعجاز
اونتی پورہ// جنوبی کشمیرکے ہٹی وارہ اونتی پورہ لتہ پورہ میں بدھ کی شام قریب سات بجے ایک ناو دریائے جہلم میں ڈوب گئی جس کے جس میں9مزدور سوار تھے جن میں سے7کو بچا لیا گیا ہے جبکہ 2لاپتہ ہے جن کی تلاش جاری ہے ۔سرکاری ذرائع نے بتایا کہ انہیں شام سوا سات بجے کے قریب اس حادثے کے حوالے سے اطلاع ملی ہے جہاں فوری طوری پر ایس ڈی آر ایف،مقامی لوگ،پولیس اور سیول انتظامیہ بچاو کارروائیوں میں جٹ گئے ۔بدھ کی شام رات دیر گئے لاپتہ افراد کی تلاش جاری تھی تاہم رات ہونے کے وجہ سے یہاں لوگوں بچاو کارروائی میں شامل ٹیموں کو دقتوں کا سامنا کرنا پڑ رہا تھا تاہم یہ کارروائی جاری تھی جائے واردات پر موجود جموں و کشمیر پولیس کے ایک اعلیٰ افسر نے بتایا یہاں بچاو کارروائی جاری ہے ۔خیال رہے اس علاقے میں متعدد مقامات پر پلوں کی عدم موجودگی کے باعث لوگ ناو میں سفر کرتے ہیں جبکہ بتایا جاتا ہے یہ مزدور یہاں شام کو کام کے بعد واپس آرہے تھے ۔۔