سرینگر بارہمولہ لوک سبھا سیٹ کے پارلیمانی انتخابات سے قبل، آزادانہ اور منصفانہ انتخابات کے انعقاد کے لیے سیکورٹی فورسز کے پروٹوکول اور تعیناتی کو ہفتہ کو حتمی شکل دی گئی۔جبکہ سنیچر کی شام علاقے میں انتخابی مہم اختتام پزیر ہوئی ہء۔کشمیر نیوز سروس( کے این ایس ) بارہمولہ پارلیمانی حلقہ میں 20 مئی کو پولنگ ہو رہی ہے اور انتخابی مہم ہفتہ کو ختم ہو گئی۔ہفتہ کو ایک مشترکہ جامع میٹنگ منعقد کی گئی اور اس میں دیگرمحکموں کے درمیان ضلع ترقیاتی کمشنر (ڈی سی) منگا شیرپا اور بارہمولہ کے سینئر سپرنٹنڈنٹ آف پولیس (ایس ایس پی) امود اشوک ناگپورے، مجسٹریٹس، پولیس افسران اور سینٹرل آرمڈ پولیس فورسز (سی اے پی ایف) کے افسران نے شرکت کی۔ تاکہ ضلع میں شفاف، آزادانہ اور منصفانہ انتخابات کو یقینی بنایا جا سکے۔پولیس کے ایک بیان میں کہا گیا کہ بریفنگ کا مقصد سیکورٹی پروٹوکول کا خاکہ بنانا، فورسز کی تعیناتی کو مربوط کرنا اور الیکشن کمیشن آف انڈیا کے رہنما خطوط پر عمل پیرا ہونے کی اہمیت کو اجاگر کرنا تھا۔چیئرنگ افسران نے انتخابی عمل کی سالمیت کو برقرار رکھنے اور اس بات کو یقینی بنانے میں تمام افسران کے اہم کردار پر زور دیا کہ ہر شہری محفوظ ماحول میں اپنے ووٹ کا حق استعمال کر سکے۔ڈی سی نے شفاف اور جوابدہ انتخابی عمل کی اہمیت پر روشنی ڈالی اور تمام افسران کی حوصلہ افزائی کی کہ وہ اپنے فرائض تندہی اور غیر جانبداری سے سرانجام دیں۔ایس ایس پی نے شہریوں کے جمہوری حقوق کو برقرار رکھنے والے محفوظ ماحول فراہم کرنے کے لیے پولیس اور سی اے پی ایف کے عزم کا اعادہ کیا۔ڈی سی اور ایس ایس پی دونوں نے اپنی ٹیموں کی تیاری پر اعتماد کا اظہار کیا اور تمام عہدیداروں پر زور دیا کہ وہ انتخابات کے کامیاب انعقاد کو یقینی بنانے کے لیے باہمی تعاون سے کام کریں۔خیال رہے علاقے میں انتخابی مہم تمام سیاسی پارٹیوں نے بڑے پیمانے پر چلائی جس میں جموںو کشمیر نیشنل کانفرنس سجاد غنی لون ،انجینئر رشید وغیرہ خاص طور پر شامل ہے جن کی ریلیوں میں ہزاروں میں لوگوں نے شرکت کی ہے ۔
