سید اعجاز
ترال////عالمی یوم ماحولیات کے حوالے سے سب ضلع ترال میں مختلف سرکاری و غیر سرکاری تعلیمی اداروں میں زیر تعلیم بچوں کی جانب سے متعدد ریلیاں برآمد ہوئی ہے ۔اس سلسلے میں اسلامہ ارنٹل کالج ترال کے بنات ونگ کی جانب سے ادارے سے بس اسٹیڈ ترال تک ایک ریلی نکالی گئی ہے جس میں طالبات کی ایک بڑی تعداد نے حصہ لیا ہے جبکہ ان کے ہمراہ ان کے استاد بھی موجود تھے ریلی میں شامل طالبات نے ہاتھوں میں درجنوں بینر اور پلے کارڑ اٹھائے تھے جن پر ماحول بچاو کے نعرے تحریر کی گئیں تھیں ۔ طالبات نے بتایا اور ان کے اساتذہ نے بتایا ہمیں اسلام بھی درس دیتا ہے کہ ماحول کو صاف رکھنے کے ساتھ ساتھ پودے لگانے کی تاکید کرتا ہے انہوں نے دونوں پہلوں اسلام اور سائنس کی نظر میں ماحول کو ساف ستھرا رکھنے اور پودے لگانے پر روشنی ڈالی ہے۔ادھر سب ضلع کے متعدد نجی و سرکاری سکولوں نے بس اسٹینڈ ترال میں جمع ہو کر انڈور اسٹیڈیم ترال تک ریلی نکالی ہے جس میں سیکنڈوں کی تعداد میں بچوں نے حصہ لیا اور بچے ریلی میں ماحول بچاو نعرے لگا رہے تھے ۔تمام بچوں نے ہاتھوں میں پلے کارڑ اٹھائے تھے ۔ماحولیات کے تحفظ کے لئے نکالی گئی اس ریلی میں ہمدرد گرائمر سکول ترال،الکمی پبلک سکول ترال، صابر عبد اللہ پبلک سکول ترال ،لٹل انجلز سکول ترال ،اکمل سکول ترال وغیرہ سکولوں کے بچوں نے شرکت کی ہے۔ اس ریلی کی قیادت تحصیلدار ترال عمر احمد کر رہے تھے ۔ تحصیلدار ترال نے بتایا اس ریلی میں دونوں نجی و گورنمنٹ سکولوں کے بچوں نے حصہ لیا ہے جبکہ کوئز اور ڈبلیٹ کا مقصد بھی یہی تھا لوگوں کو احساس دلائیں کہ ہماری زمہ داری کیا ہے تاکہ یہاں ماحول صاف اور سر سبز رہے۔
