گاندربل:8جون
ڈائریکٹر ہیلتھ سروسز کشمیر ڈاکٹر مشتاق احمد راتھر نے آج تلمولہ گاندربل کا دورہ کیا تاکہ آنے والے میلہ کھیر بھوانی کے پیش نظر صحت کی دیکھ بھال کی تیاریوں کا جائزہ لیا جا سکے۔انہوں نے متعلقہ افسران کو ہدایت دی کہ وہ عقیدت مندوں کو صحت کی مناسب سہولیات کی فراہمی کو یقینی بنائیں تاکہ انہیں ماتا کھیر بھوانی مندر کے دورے کے دوران کسی قسم کی تکلیف کا سامنا نہ کرنا پڑے۔ انہوں نے طبی سامان جیسے ادویات، سازوسامان اور دیگر لاجسٹکس کی دستیابی کا بھی تفصیلی جائزہ لیا جو عقیدت مندوں کے لیے دستیاب کرائے گئے ہیں۔اس دوران مذہبی اجتماع کے لیے صحت کی دیکھ بھال کے ایک تفصیلی ایکشن پلان کے بارے میں DHSK کو I/C CMO گاندربل اور BMO گاندربل نے بریف کیا۔ دورے کے دوران ایم ایس ڈی ایچ گاندربل بھی موجود تھے۔
