سرینگر: سری نگر میں پولیس نے سوک ایکشن پروگرام کے تحت ابنی خلدون آڈیٹوریم ہال کشمیر یونیورسٹی سری نگر میں نئے فوجداری قوانین سے آگاہی پر ایک روزہ ورکشاپ کا انعقاد کیا۔کشمیر نیوز سروس کے مطابق اس تقریب میں کشمیر یونیورسٹی کے 200 سے زائد طلباءاور فیکلٹی بشمول رجسٹرار کشمیر یونیورسٹی سری نگر ڈاکٹر نصیر اقبال، ہیڈ اینڈ ڈین سکول آف لاءکشمیر یونیورسٹی پروفیسر شری محمد حسین اور ایس پی سٹی حضرت بل زون سری نگر شری ہلال خالق بٹ سمیت پولیس افسران نے شرکت کی۔ اس موقع پر، ایس ڈی پی او عاشق حسین-جے کے پی ایس نے نئے فوجداری قوانین اور ہندوستانی فوجداری انصاف کے نظام کو بہتر بنانے کے لیے ان قوانین کے بارے مےں پر ایک لیکچر دیااور نئے فوجداری قوانین کی فراہمی، ان کے نفاذ/عمل کے بارے میں بصیرت حاصل کی گئی تاکہ ہندوستانی فوجداری نظام کو جدید دور کے مطابق اس کی تاثیر میں اضافہ کیا جا سکے۔فیکلٹی سٹاف اور طلباءنے ورکشاپ کے انعقاد پر سری نگر پولیس کی کوششوں کو سراہا۔