سری نگر/10 جولائی2024ئکشمیر پاور ڈِسٹری بیوشن کارپوریشن لمیٹڈ (کے پی ڈِی سی ایل) نے گھریلو صارفین کو ایک بڑی راحت دیتے ہوئے حکومت کی پاور ایمنسٹی سکیم کے تحت تاخیر سے ادائیگی سرچارج کی مد میں اَب تک 53.11 کروڑ روپے معاف کئے ہیں۔اَب تک 1.02 لاکھ گھریلو صارفین نے سکیم کے تحت کے پی ڈِی سی ایل کو واجب الادا اصل رقم ادا کرکے چھوٹ کا فائدہ حاصل کیا ہے جس کا اعلان 2022 ءمیں کیا گیا تھا اور بعد میں حکومت نے اِس برس 31 مارچ 2025 ءتک توسیع کی تھی۔کے پی ڈِی سی ایل کے ترجمان نے آج پریس کو جاری ایک بیان میں گھریلو صارفین پر زور دیا کہ وہ دیر سے ادائیگی کے سرچارج پر چھوٹ کا فائدہ اُٹھائیں اور اَپنے طویل عرصے سے زیرِ اِلتوا¿ بِلوں کو نمٹائیں۔ گھریلو صارفین کو مشورہ دیا جاتا ہے کہ وہ اَپنے بلوں کی ادائیگی کے لئے اَپنے متعلقہ الیکٹرک سب ڈویژن سے رابطہ قائم کریں۔ وہ معافی کا دعویٰ کرنے کے لئے کے پی ڈِی سی ایل کو واجب الادا اَصل رقم مکمل یا مساوی اَقساط میں اَدا کر سکتے ہیں۔اُنہوں نے اِس بات کا اعادہ کرتے ہوئے کہا کہ سکیم کو 31 مارچ2025 ءسے آگے نہیں بڑھایا جائے گا۔
کے پی ڈِی سی ایل نے گھریلو صارفین کو سہولیت فراہم کرنے کے لئے تاخیر سے ادائیگی کے سرچارج کی وجہ سے 53.11 کروڑ روپے کی رقم ضبط کرنے کے بعد اَب تک پاور ایمنسٹی سکیم کے تحت 144 کروڑ روپے کا ریونیو اکٹھا کیا ہے۔
صارفین کی سہولیت کے لئے کے پی ڈِی سی ایل کی تمام الیکٹرک سب ڈویژنوںمیں پاور ایمنسٹی کیمپ بھی منعقد کئے جارہے ہیں۔ اِن کیمپوں میں اِس سکیم کو زبردست ردِّعمل ملا ہے جس میں بہت سے صارفین نے اَپنے بلوں کی اَدائیگی کی ہے۔ تاہم، اَب بھی صارفین کی ایک بڑی تعداد جن پر بھاری واجبات واجب الادا ہیں ،اُنہوں نے ابھی تک اَپنے بِلوں کی اَدائیگی کے لئے متعلقہ سب ڈویژنوں سے رابطہ نہیں کیا ہے۔
کے پی ڈِی سی ایل کے ترجمان نے مزید کہا کہ جاری کردہ احکامات کے مطابق کے ڈِی پی سی ایل اُن تمام گھریلو صارفین کی بجلی منقطع کرنے کا عمل تیز کرے گا جو پاور ایمنسٹی سکیم سے فوائد حاصل کرنے کے خواہشمند نہیں ہیں۔
