چیف سیکرٹری نے دُور دراز علاقو ں میں تیز رفتار اِنٹرنیٹ کنکٹویٹی کی صورتحال کا جائزہ لیا

جموں/27 ستمبر2024ئچیف سیکرٹری اَتل ڈولونے آج سول سیکرٹریٹ جموں میں متعلقہ محکموں کے سینئر افسران کے ساتھ جموں و کشمیر یو ٹی کی سٹیٹ براڈ بینڈ کمیٹی میٹنگ کی صدارت کی۔میٹنگ میں ایڈیشنل چیف سیکرٹری آئی ٹی دھیرج گپتا، پرنسپل سیکرٹری پاور ڈیولپمنٹ ڈیپارٹمنٹ ایچ راجیش پرساد ،،کمشنر سیکرٹری مکانات و شہری ترقی محکمہ مندیپ کور،سیکرٹری پی ڈبلیو ڈی بھوپندر کمار، سی جی ایم بی ایس این ایل سوربھ تیاگی اور متعلقہ محکموں کے افسران نے بھی شرکت کی۔ایڈیشنل چیف سیکرٹری دھیرج گپتا اور دیگر سینئر افسران نے میٹنگ کو ایس بی سی کے کام اور پروجیکٹ کو مناسب طریقے سے عملانے کے لئے کئے گئے اَقدامات کے بارے میں جانکاری دی۔میٹنگ میں سٹیٹ آر او ڈبلیو پورٹل کے مسائل، آر او ڈبلیوکلیئرنس، بی ایس این ایل کے ذریعے چلائے جا رہے 4 جی سیچوریشن پروجیکٹ، 5 جی سیچوریشن پلان، یو ڈِگ (سی بی یو ڈی) سے پہلے کال، کمپوزٹ بلنگ سکیم اور دیگر مسائل پر بھی تبادلہ خیال کیا گیا۔
چیف سیکرٹری نے جاری برانڈ بورڈ مشن کا جائزہ لیتے ہوئے کہا کہ اِس پروجیکٹ کا مقصد جموں و کشمیر کے تمام دیہی اور دُور دراز علاقوں تک سستی اور یونیورسل براڈ بینڈ تک رسائی فراہم کرنا ہے۔
اُنہوں نے متعلقہ افسروں اور ایجنسیوں سے کہا کہ وہ جموںوکشمیر یوٹی کے ہر مخصوص علاقے میں براڈ بینڈ مشن کو بروقت مکمل کرنے کے لئے تمام ضروری رسمی کارروائیوں کو پورا کرنے کے عمل کو تیز کریں۔
چیف سیکرٹری نے ٹیلی کام کمپنی کو اَپنے پروگراموں کو عملی جامہ پہنانے کے لئے یو ٹی حکومت کی جانب سے مکمل تعاون اور ہر ممکن مدد کی یقین دہانی کی۔
اُنہوں نے آر ڈی ڈی اور بی ایس این ایل کے ذریعے مشترکہ سروے کرنے کو کہا تاکہ او ایف سی کی تنصیب کے لئے تمام پنچایتوں کی تیاری اور پہلے فراہم کردہ وی ایس اے ٹی کی فعالیت کا جائزہ لیا جاسکے۔