جموں /28 ستمبر2024ئ لیفٹیننٹ گورنر منوج سنہانے آج راج بھون میں پیرس 2024 پیرالمپکس میں کانسی کے تمغے جیتنے والوں محترمہ شیتل دیوی اور راکیش کمار سے ملاقات کی اور اُنہیں مبارک باد پیش کی۔لیفٹیننٹ گورنر نے جموںوکشمیریوٹی کے پیرا آرچرز کو پیرس 2024 پیرالمپکس میں شاندار کارکردگی پر مبارک باد دی۔اُنہوں نے پیرا آرچرز محترمہ شیتل دیوی اور راکیش کمار سے بات چیت کرتے ہوئے کہا کہ بین الاقوامی کھیلوں میں ان کی سخت محنت ، لگن اورنمایاںکامیابیوں نے ملک کا نام روشن کیا ہے۔لیفٹیننٹ گورنر نے کہا کہ آپ کی غیر معمولی کارکردگی نوجوان نسل کو متاثر کرے گی۔لیفٹیننٹ گورنر نے آرچری کوچ ابھیلاشا چودھری کو بھی مُبارک باد پیش کی اور کھلاڑیوں اور کوچ کو اُن کی مستقبل کی کوششوں کے لئے نیک خواہشات کا اِظہار کیا۔اِس موقعہ پر چیف ایگزیکٹیو آفیسر ایس ایم وِی ڈِی ایس بی انشل گرگ اور شرائن بورڈ کے دیگر سینئر افسران موجود تھے۔
