سرینگر//کے این ایس27جنوری : ضبط کرنے کے بعد گرفتار کیا گیا۔ پولیس نے یہاں بتایااس سلسلے میں ایک کیس درج کر کے مزید تحقیقات شروع کی ہے ۔کشمیر نیوز سروس ( کے این ایس ) کے مطابق ادھم پور پولیس نے ایک اہم کارروائی میں ہیروئن سمیت2افراد کو گرفتار کیا ہے جن میں ایک نرسنگ آدرلی میں شامل ہے۔گرفتار ملزمین کی شناخت چبوترا بازار کے ساکن وکرانت شرما، ادھم پور کے گورنمنٹ میڈیکل کالج میں نرسنگ آرڈرلی اور پبا گلی کے ارجن دوبے کے طور پر کی گئی ہے۔پولیس کے ایک ترجمان نے بتایا کہ یہ دونوں موٹرسائیکل پر جموں سے ادھم پور جا رہے تھے جب جموں سری نگر قومی شاہراہ پر ریہمبل کے مقام پر پولیس ٹیم نے انہیں روکا۔انہوں نے مزید کہا کہ ان کے قبضے سے 39.9گرام ہیروئن برآمد کی گئی۔ترجمان نے بتایا کہ ملزم کے خلاف نارکوٹک ڈرگس اینڈ سائیکوٹرپک سبسٹنسز (این ڈی پی ایس) ایکٹ کی دفعات کے تحت مقدمہ درج کیا گیا اور پیڈلنگ ریکیٹ کو بے نقاب کرنے کے لیے تحقیقات شروع کر دی گئی۔
