سرینگر// : محکمہ موسمیات نے تازہ جانکاری میں بتایا کہ جموںو کشمیر میں 29جنوری کی رات تک موسم عام طور پر خشک رہنے کی پیشن گوئی کی گئی کے فوراً بعد جموں و کشمیر میں ہلکی بارش اور برفباری کا نیا سلسلہ متوقع ہے۔ کشمیر نیوز سروس( کے این ایس ) کے مطابق تازہ ترین پیشن گوئی کے مطابق 29جنوری کی شام تک موسم بنیادی طور پر خشک رہے گا جس کے بعد 30 جنوری کی صبح کے دوران بکھرے مقامات پر ہلکی بارش اور برف باری کی پیش گوئی کی گئی ہے۔یکم فروری سے 2 فروری تک، خطے میں عام طور پر ابر آلود رہنے کا امکان ہے اور کافی وسیع مقامات پر ہلکی بارش یا برفباری کا امکان ہے۔ تین فروری کو موسم ابر آلود رہنے کی توقع ہے، الگ تھلگ اونچے علاقوں میں ہلکی برفباری کا امکان ہے۔
محکمہ موسمیات نے یہ بھی پیش گوئی کی ہے کہ 29جنوری کے بعد سے خطے کے کئی مقامات پر، خاص طور پر اونچائی والے علاقوں میں کم از کم درجہ حرارت میں 2سے4ڈگری سینٹی گریڈ کا اضافہ ہوگا۔ایڈوائزری: حکام نے سیاحوں، مسافروں اور ٹرانسپورٹرز کو مشورہ دیا ہے کہ وہ چوکس رہیں اور سرکاری ٹریفک اور سفری ہدایات پر عمل کریں، خاص طور پر آنے والے دنوں میں متوقع ہلکی برفباری کے پیش نظر۔ایڈوائزری میں اس بات پر زور دیا گیا کہ پیش گوئی کی گئی برف باری سے اونچی جگہوں پر ٹریفک متاثر ہو سکتی ہے، لوگوں کو ضروری احتیاطی تدابیر اختیار کرنے اور بدلتے ہوئے موسمی حالات کے بارے میں باخبر رہنے کی تاکید کی گئی ہے۔
