سرینگر /مرکزی وزیر داخلہ امت شاہ نے بدھ کو زور دے کر کہا کہ ملک دہشت گردی کے سامنے نہیں جھکے گا اور جموں و کشمیر کے پہلگام میں سیاحوں کی ہلاکت کے ذمہ داروں کو بخشا نہیں جائے گا۔کشمیر نیوز سروس ( کے این ایس ) کے مطابق دہشت گردانہ حملے میں ہلاک ہونے والوں کی لاشوں پر پھولوں کی چادر چڑھانے کے بعد، انہوں نے ایکس پر کہا کہ "بھاری دل کے ساتھ، پہلگام دہشت گردانہ حملے میں ہلاک ہونے والوں کو آخری خراج عقیدت پیش کیا۔بھارت دہشت گردی کے آگے نہیں جھکے گا۔ اس وحشیانہ دہشت گردانہ حملے کے مجرموں کو بخشا نہیں جائے گا،” انہوں نے کہا۔ اس بزدلانہ دہشت گردی کے ذمہ داروں کو بخشا نہیں جائے گا۔ دہشت گردوں نے منگل کو جنوبی کشمیر کے پہلگام میں ایک اہم سیاحتی مقام پر حملہ کیا، جس میں کم از کم 26 افراد ہلاک ہوئے، جن میں زیادہ تر سیاح تھے، اور کئی دیگر زخمی ہوئے۔
