سرینگر /جموں سرینگر قومی شاہراہ پر ضلع رامبن کے قریب ایک ٹرک گہری کھائی میں جا گری جس کت نتیجے میں گاڑی میں سوار3افراد لقمہ اجل بن گئے ہیں ۔کشمیرنیوز سروس( کے این ایس ) کے مطابق یہ گاڑی اتوار کے روز بیٹری چشمہ کے مقام پر600 فٹ گہری کھائی میں گرنے سے 3 فوجی اہلکار موقع پر ہی ہلاک ہو گئے۔سرکاری ذرائع نے بتایا کہ فوجی ٹرک جموں سے سرینگر کی جانب جا رہا تھا کہ اچانک یہ حادثہ پیش آیا۔ ایک فوجی اہلکار نے بتایا کہ ٹرک کے ایک اہلکار کی موقع پر ہی موت ہو گئی۔ہلاک ہونے والے فوجیوں کی شناخت امیت کمار، سوجیت کمار اور مان بھادر کے طور پر ہوئی ہے۔پولیس، آرمی، ایس ڈی آر ایف اور سول کیو آر ٹی رامبن کے رضاکاروں پر مشتمل ریسکیو آپریشن مہم چلا کر مہلوکین کو ضلع اسپتال منتقل کیا گیا، جہاں پوسٹ مارٹم کرکے متوفی کو ارمی کے حوالے کر کے انکے ابائی گاوں اخری رسومات کے لیے بھیج دیا جاے گا۔
