کولگام میں آسمانی بجلی گرنے سے شہری لقمہ اجل

سرینگر /کے این ایس /2 مئی جنوبی کشمیر کے کولگام ضلع تیز بارشوں کے دوران جمعہ کے روز3 کمسن بچوں کا باپ پر آسمانی بجلی گرنے سے لقمہ اجل بن گیا ہے ۔اس وقعے کے بعد علاقے میں کہرام مچ گیا ہے ۔کشمیر نیوز سروس ( کے این ایس ) کے مطابق ضلع جنوبی کشمیر کے ضلع کولگام کے گنسائیگام گاﺅں میں جمعہ کے روز آسمانی بجلی گرنے سے طارق احمد پڈر ولد محمد شعبان ساکن گنسائیگام شدید زخمی ہوا اس دوران اگر چہ انہیں شدید زخمی حالت میں نزدیکی ہسپتال پہنچایا گیا ہے تاہم ڈاکٹروں نے انہیں مردہ قرار دیا۔اس واقعے کی خبر علاقے میں پھیلنے کے ساتھ ہی یہاں کہرام مچ گیا ہے ۔لوگوں نے بتایا مزکورہ نوجوان انتہائی غریب تھا اور آٹو چلا کر اپنی اہلیہ اور تین کمسن بچوں کی کفالت کرتا تھا ۔لوگوں نے سرکار سے اپیل کی ہے متاثرہ کنبے خاص کر ان یتیم بچوں اور بیوہ کے لئے باز آبادکاری کے لئے کچھ اقدام اٹھایا جائے ۔